- Oos leedjes -

 

Lyrics / songteksten

De draum van Driek



Oos Driek laag snachs te woele in zie bèd
’t vrieje veel hum eigelik neet mèt
Hae dacht ich mòt in feite te völ vreike
Òm nòmmenandj bie Tien get te bereike
Dan dacht hae weer ’t luiptj mesjien waal los
En draumdje eine draum van Fluppe Bos

Refr;
Mandoliene zònge zagt in Fluppe böske
T’waas zoeë òmstreeks middernacht
Driek haaj lang op Tien gewachtj
Mandoliene zònge zagt in Fluppe böske
Toen d’r heur neet mieër haaj verwachtj
Huuërdje d’r tösse de struuk hieël zagt
Mando mandoliene, dao kwaam Kristiene
Mando mandolinne, hae kòst beginne

En stillekes kwaam Tien nao Driekske haer
En Driek dae zagt; miên leef ich heb dich gaer
Mer toen d’r heur ins örges aan woeëj rake
Begòst det wiêf òntzachelik te kake
En Driek dae haaj zien sjoon al oet gedaon
Mer bleef toen wie ‘ne klöppel staon

Mando mandoliene, waese Kristiene
Mando mandolinne, niks te beginne

Kristien kaakdje hieël Breivin toen bie-ein
En voort waas ederein dao oppe bein
En Driek heet veur zien laeve mòtte renne
Hae sjoot woe ein haas tösse de denne
Hae kwaam zoeë òngevieër in Bòggendj oet
En ziene sjoeëne draum waas oet…….

Mandoliene sjei-je oet, in Fluppe böske
Tis noê òmstreek middernacht
En dao’s neme mieër dae wachtj
Mandoliene zeen ewèg oet Fluppe Böske
En oos Driek heet geine spiêt
Want mèt Tien , det ging te wiêt
Mando mandoliene, waese Kristiene
Mando mandolinne, niks te beginne

Ut renteloos gaat



Inne hook vanne kroeg, hòng ein houtere kist
Mèt waal seventjig gleufkes en ederein wist
Welk gleufke van hum waas en woeë det det zaat
Bie de spaarkas “ ’t renteloos gaat”

Eed’re zònnig ging Zjaak nao de Hoeëmès dao haer
En dan droonkter zien pilske mèt Wiel en mèt Baer
En al waaster zoeë tege de middig get zaat
Hae sjoof altiêd get geldj in zien gaat

Refrein
Want wilse snel en goodkaup spare
Mòsse bie de spaarkas gaon
Ze zölle dien geldj hieël good beware
En de rente die blieftj staon
En kontribusie en de boetes
Och die zeen zoeë hoeëg toch neet
Geise spare bie de spaarkas
Kostj det sente bie de vleet

En as Zjaak ins ein waekske neet spare kòst
Zag ’t regelement det det aevegood mòst
En dan kreegter auch boete want hae waas te laat
Mèt zien sente bie’t renteloos gaat

Ins per jaor kwaam auch hieël de klup bie-ein
Veur ei fieëst vanne spaarkas en det waas hieël fijn
Want de baas vanne kroeg gaaf dan altiêd ei vaat
Vanne boetes vant Renteloos gaat

Refrein

Roontj de Kermis dan woorter auch oetbetaaldj
En as Zjaak dan zien tuutje haaj opgehaaldj
Bleefter hange en ging dan dae daag flink op paad
Van de sente bie’t Renteloos gaat

Sangerdaags haaj Zjaak eine vrieëte kop
En zien tuutje waas leeg en zien geldj det waas op
En hae dacht ich bìn eig’lik zoeë gek wie ei raad
Waat veur nut heet det renteloos gaat
Geine sent mieër noa’t renteloos gaat
Det ze börste bie’t renteloos gaat
Ich sjei-j oet bie det renteloos gaat

De oaj sjool



Die sjoeën aoj sjool is platgelagtj
Ich heb dao nog dèk aan gedachtj
Ut dieë get pien
Ich lieërdje zoeë good as ich kòst
Mien laupbaan die is dao begòst
Hieël mesjien
De meister gaaf dich good advies
De lieërdjes dao ’t aap noot mies
De ieërste klas
De kreegs auch raekene en taal
Ze lieërdje’t dich allemaol waal
Ut kwaam van pas

Veural de speultiêd waas zoeë fijn
Rendjes minute achterein
Dèk ging ’t haart
En Aerkes Meister leep get roondj
Strouwdje de locht van toebak roondj
Haaj goje’n aard
De stòngst mèt acht man achterein
ze sprònge op dich ein veur ein
ròbbededòb
dan rootse hamer mes of sjieër
mochte die anger nog ‘ne kieër
dan gingtjer op

de spanning van de huvetiêd
woors keps en alle huuve kwiêt
dan gingse staon
mèt ein aoj doeës of mèt ein kist
ze waas kepot veur desse’t wist
dan waasj gedaon
en slagbal waas ein hieël sjoeën spel
verkochs de bal ein flinke lel
zoeë haart ‘se kòst
bie berbe Sjeng euver de moor
de pakdjes snel nog tösse door
‘ne droevetros

Stòngst ane buize zie aan zie
De maegdjes sjool die waas vlak bie
Dien ieërste kans
En zelfs ein klein bitje verlangtj
Nao’t maegdje ane euverkantj
De haats get sjans
En eindelik waastj dan zoeë wiêt
De bel die ging hieël good op tiêd
Òm waas de daag
Dan hieël snel heivers nao oos mam
Die smeerdje eine boterham
Mèt hagelslaag

Ròbbededob waat zeet mien bòk
Hamer , mes of sjiêr………….

Brevebös



Woeë ein brevebös veur deentj det weit waal ederein
Dao doetj de post de breve in dèk nötte auch oeët fijn
Mer wètj gae woeëròm wae dit leedje zinge
Òmdet ze edere waek twieë kilo van die sjaemel blajer bringe
Òm de haverklap dan zitj mien breve-gleufke vôl pepere
En dao heb ich neet òm gevraogdje det zeen toch gein menere
Ich verzoêp in al die blajer en reklaam
Zèk mich waat ich d’r mèt doon mòt in godsnaam

Refrein
want ich haoj neet van ein brevebös vôl rootzooj
Van ein brevebös vôl rotzooj waer ich zeek
Kantj neet lieje hieël mien brevebös vôl rotzooj
As ich die rotzooj zeen dan bìn ich wie’ne reek

’t kanton keumptj ’t ieërst det weurtj WC pepeer
Dao vaeg ich dan mien koontj mèt aaf det doon ich mèt plezeer
En Op de Keper veur de aerpelsjèlle,
De trompetter weurtj gebroektj as òngerzètter veur ei kèlle
En de autogids is hieël fijn òm de haart mèt aan te make
Òm sjoon te poetse is ’t Landj van Wieërt mien taofellake
En reklame van Mikro Jan van Nele Bert
Weurtj ein vleegmesjienke mèt ’n spitse stert

Refrein

En ’t Blaedje van Rooj det zèk ich noeëts mieër op
Det kan ich good gebroeke dao poets ich de stoof mèt op
En de Wibra mèt reklaam veur dames-slippe
Die gebroêktj mien vrouw altiêd òm brei-patroeëne oet te knippe
Mèt pepere vanne Bank kan ich de kamer hieël behange
Enne Vivo inne graasj òm auto olie op te vange
En zoeë waer ich mien pepere toch waal kwiêt
Tis nog zunj van Klauwers Tjeuke ziene tiêd

Refrein
Want ich haoj neet van mien brevebös vôl rotzooj
Al die stòm pepere in mien brevegleuf
Kantj neet lieje hieël mien brevebös vôl rotzooj
Want woeë laot ich de gezèt van mörge vreuf……paheuf

Heet heet



De maegdjes inne buurt, die kwome nao ’t kindje haer
En’t waas of’t menke dacht, God haaj ich mens get kracht
Get get, get get  , kòst ich mens efkes oet det bèd
Dan ging ich mèt uch mèt , dan ging ich mèt uch mèt

Toen Kuuëbke twelf waas, toen gaaf d’r d’auge good de kost
En floot op eder dink, det hae van wiêt aaf zaag
Daag daag, daag daag, zoeë’n vroumes laag hum oppe maag
Det hae van wiêt aaf zaag, det hae van wiêt aaf zaag

Ein maegdje in dae tiêd, det haaj ’t lever waal dan neet
Dus Koeëb sprook mèt heur aaf, veur saoves ane Vleet
Heet heet , heet heet , hoe prachtig is de Rojer Vleet
Mèt ein maegdje detj gaer heet, mèt ein maegdje detj gaer heet

En sònnes smiddes laag, oos Kuuëbke dèkker mèt Marij
Te koetele oppe hei, te koetele oppe hei
Ei ei ,ei ei, mèt Greet, mèt To of mèt Marij
Deep inne Buuëtjes hei , deep inne Buuëtjes hei

As Koeëb ein kenske zaag, dan snòbdje d’r ein vroumes mèt
En lagt zich in’ne berm,  dao huuërdje ‘se gekerm
Ocherm, ocherm, waat kreegtj oos Kuuëbke dan toch werm
Dao in dae koreberm,  dao in dae koreberm

Mer ’t is nog altiêd zoeë, det van ’t ein ’t anger keumptj
En Koeëb heet get gezeumptj, wie de noeëdklok heet getreumptj
Zeump zeump, zeump zeump, det veulse toch waal mèt dien kleump
Det dao get jòngs van keumtj, det dao get jòngs van keumtj

En noê is Koeëb getrouwtj, ein heet ein groeëte koeëj vôl jòng
En dinktj sòms mèt get spiêt, woeë is dae sjoeëne tiêd
Tiêd tiêd, tiêd tiêd, waat waas det eine sjoeëne tiêd
Mèt Mientje oppe miêt , mèt Mientje oppe miêt

As euver fieftig jaor , oos Koeëb doeëd en begrave is 
Dan steiter oppe stein,  ’t volgendje refrein
Fijn fijn , fijn fijn, hoe prettig was het samenzijn
Ane Vleet, oppe Hei-j , inne berm, oppe miêt, sjoeëne tiêd
Det waas eine sjoeëne tiêd……………….

Drankverhoal



Dao ònger in det buukske dao kome ze bie-ein
De zoeë vertroewdje pinte de groeëte en de klein
De ieërste drieve ònger, de lèste boven op
En aster niks mieër biê kan, dan stei’se oppe kop

Vloeje de slòkke, zoeë fijn langs dae tandj
Vloeje de slòkke, raak ich oet verbandj
Dan zit ich vôl kuûre , vergaet ich de buure
Vloeje de slòkke , zoeë fijn langs dae tandj

Klok klok , klok klok, slòkke zoeë fijn langs dae tandj
Klok klok , klok klok, slòkke zoeë fijn langs dae tandj
-------------------------------
Mèt ein stök inne kraag vanne Luifel nao van Loon
Mèt ein zicht van fieftig maeter en braaf wankel inne sjoon
Mèt ein stök inne kraag gaon flink ich d’r tegenaan
Det ich smörges hieël völ koppien heb, dao dink ich noê neet aan
----------------------------------  
Ein twieë drie veer , ’t vaat is aaf ’t vaat is aaf
Ein twieë drie veer , ’t vaat is paaf weer aaf
Lalalalalalala , want wae hebbe groeëte dorst
Ein twieë drie veer , waat mòsse sònger beer
--------------------------------------
Djuu wat heb’se altiêd staags d’r nao, eine zwaore kop
Eine zwaore kop, en zelf bèsse auch niks waert
En dae maag dae zitj hieël inne knaup, van al det beer
Van al det beer, mer saoves geise toch alweer

Want dae kriebel dae zitj in ’t blood
En al veulse dich ein bitje òngemoodj
Auch al veul ich die koppien zoeë noeëj
Ich blief neet ane koeëj 

Djuu wat heb’se altiêd staags d’r nao, eine zwaore kop
Eine zwaore kop, en zelf bèsse auch niks waert
En dae maag dae zitj hieël inne knaup, van al det beer
Van al det beer, mer saoves geise toch alweer
-----------------------------------------------   

Ut leed vanne paerdstal



Bie òs oppe paerdstal, dao steit ein aoj koe
Die geuftj bie heur melk, nog zegelkes toe

Holadiejee, holadiejo

En naeve det koeke, dao steit ein aoj zoog
Die sjitj wantj zoeë oet keumptj gewoeën inne troog

Holadiejee , holadiejo

En naeve det zeugske, steit auch nog ein vaes
Dao’s niks van te make, die is völ te waes

Holadiejee , holadiejo

Eine magere bòk, de sjrik vanne stal
Verkuiptj ònger’t aete nog vèttige kal

Holadiejee , holadiejo

En naeve dae bòk , dao hoêstj eine haan
dae geuftj nörges völ òm, dae treutj mer get aan

holadiejee , holadiejo

ein vrieëte sjael bròk, zitj stil ane kantj
die zuut in heur ei-jer, te weinig verbandj

holadiejee , holadiejo

en achter aan’t raemke dao woeëntj nog ein zwelf
die gebroektj noe de pil , want die heter al twelf

holadiejee , holadiejo

en dit waas dae stal den, mèt allerlei vieë
laot d’oeëre mer hange, want wae hebbe neet mieër

holadiejee , holadiejo

Hieëremins minsgenoaje



Hieëremins, minsgenaoje,
Hakkernon, kost ich dao mens aan
Nae tis vrieët, waat ei dink zèk
Nae kerdjen des neet normaal

Wantj effekes wiltj kiêk ich noeëts gein vroumes aan
Nae dao veul ich hieël niks veur
Mer ein dees daag inne buurt van Mieëwe Jaan
Dao stòng ze ane verkes-staldeur

Ich dink…….hieëremins

Ich stapdje voort van mien damesfietske aaf
En sjoot lieëlik snel nao heur haer
Ich waas nog mer ein paar traej van heur aaf
Toen zaag ich heur pas tegooj

Ich dink……….

Ich dink zèktj mer drek anges isse voort weer wèg
Ich zèk juffrouw huuërtj mich aan
Ich heb uch ins bekeke vanne straot oet en ich dacht
Dao vaeltj get te snuike aan

Zuu zeet…..
Hieëremins, minsgenaoje , juzzesmins
Jòng woeë deenkst dich aan
Nae tis vrieët, waat ‘ne koeëze
Nog zoeë joonk en den al vlök

Ich heel nog efkes aan
Estebleef det waas ze waerd
En seffes dao gaaf ze biê
Ich heb toen aafgesproke 
Sònnes-saoves hieël wiêt wèg
Want dao huuëre gein vreemdje biê

Jao dao is get aaf gekoeteltj
Nae det gluiftj bekans gein mins
Trouwens ich zelf auch neet
Want alles waat ich zjuust
Tege uch heb vertèltj
Det is van veur tot achter geloge

Hieëre mins, minsgenaoje
Hakkernon , waat is det ein dink
Nae tis vrieët, waat ei leedje
Nae kerdjen des neet normal

Ar joe einzaam deznagt

op de melodie van 'Are you lonesome tonight' van Elvis Presley



Ar joe einzaam desnacht
Doe joe mis mie desnacht
Ar joe sorrie det Aaj  must go wèg
Ken joe toch sliêp deznacht
If aaj steej zaer op wacht
En aaj not houdoe tege joe zèk

Aaj must wèg noê want anges 
Aaj mis nog de treen
En aaj must weer deznevend
Petaajt binne zeen

Ar joe einzaam deznagt
As aaj steej zaer op wacht
Zèk zweethart
Ar joe einzaam deznacht

Gesproke;
Aaj wonder mich aaf;
Ar joe einzaam deznacht
Zumboddie zagt; joe go not altiêd
Bedeine heivers, But joe go belsj op
Nao klup de Parie or zomzing
Well, zet interests mie no balls
Joe must zet zelf mer wete
But aaj hoop, zet joe mörge vreug
Not out joer nest kinst
En zet joe hef flinke pubze in joer aajs
Zet is zen joer eige sjout
Auch al bìn joe einzaam deznacht

Ar joe einzaam deznacht
As aaj steej zaer op wacht
Zèk zweethart
Ar joe einzaam deznacht
Hoe hoe hoe hoe hoe hoeoeoe

Ich heb sjans



Ich heb sjans, mèt ein dikke dolle mina
noê heb ich kans, det ich vanne straot aaf koom
ich wil heur, veur gein geldj mieër laote vare
ich bìn kepot van heur ein vroumes wie ein bloom

ze is nog wildj en ze heet haor oppe tendjes
boete det, isse baas in eige boêk
ze is nog waes, en ze dinktj nog neet aan kleintjes
en oos mam die zagt; ’t is ein echte foêk

ich heit Frans, en mien vroumes Bolle Tina
dae ieërste dans, dae vergaet ich echt noeëts mieër
want in dae dans kusdje mich die Dolle mina
zeker waal twintjig of mesjien waal dertig kieër

want in dae dans maakdje zuu mich almer gekker
ich dansdje toen, nog allein mèt Bolle Tien
ich dacht al voort, nondepie waat is det lekker
die keumtj mich neet wèg, det weurtj veurgood de mien

jao ich heb sjans, mèt ein dikke Dolle mina
ich heb nog kans, det ich vanne straot aaf koom
ich wil heur, veur gein geldj mieër laote vare
ich bìn kepot van heur, ei vroumes wie ein bloom

want ich heb sjans,mèt ein dikke Dolle mina
ich heb noê kans, det ich vanne straot aaf koom
ich zal heur veur gein geldj mieër laote vare
ich bìn kepot van heur ei vroumes wie ein bloom

De dokter



Ederein dae klaagtj alwiel
Dao’s nemes dae niks heet
Wae renne nao de dokter
Slikke pille bie de Vleet
’t hert de maag de nere
De gal de blinje derm
Tis vrieët waat wae mankere
Ocherm ocherm ocherm

Dokter oh dokter, dao is get mèt mich mis
Dokter oh dokter, zèk mich waat det is
Dokter oh dokter, dao is get mis mèt mich
Hebtj gae gein pilke veur mich

As vreuger emes boekpien haaj
Of last van ziene maag
Dan dachter; ’t zal waal euver gaon
Binne ein of twieë drie daag
Hae wirkdje dan gewoeën weer door
En dachter neet mieër aan
En nao verlaup van tiêd
Dan waas de euvel vanne baan

Dokter oh dokter…………….

De eine eine bròbbel
De angere eine zwaer
De derdje heet get koppien
Dus nao de dokter haer
Dae geuftj ei duuëske pille
Get poejer of get zalf
Mer of det allemaol hulptj
Det gluif ich mer half

Dokter oh dokter…………………

Ei bitje pien int buukske
Of dèk nao de WC
Dan gouw get ingenome
Tege diaree
Völ kònne d’r neet slaope
Die piekere völ te völ
Die pakke slaoptablette
Mer die hellepe gein böl

Dokter oh dokter…………………

Hexachlorix, bezoline tetraminoxeur
Tis knap neet oet te spraeke
En ’t is auch vreislik deurr
Antibimon,enzymine, carbotoximol
Gein mins weit water in zitj
Mer wae slikke ’t allemaol

Dokter oh dokter……………

Ode aan Pjaer de post



Ieërst keumtj ein do en dan ein sol
Daonao ein si-bemol
En dan riskeertjer auch ein kruus
Dan is de maot weer vòl
Weurtj sòms de melodie get zwaor
Geuftj hae die maot kedo
Dan sjeitjer boês mèt speule oet
La la la la si do

Trèk de trèkzak Pjaer oh, oh Pjaer oh
Gaef get noeëte kedo, oh Pjaer oh
Laot os danse en sjoegele
En get zinge zjuust te hoeëg
Lalalalalalala
En kiêk zelf sjuuns òmhoeëg
Trèk de trèkzak Pjaer oh, oh Pjaer oh
Laot os danse, en get sjoeg’le
En get zinge zjuust te hoeëg, Pjaer oh

Det duit dae Pjaer al jaore lank
De moewe opgestruiptj
en as hae op ein fieësje speultj
dan gluif mer det det luiptj
zien stum en ziene monika
det is ein paar apaart
want as hae d’r neet aan kan, jeh
dan speultjer mer keihaart

trèk de trèkzak…….

Ein fijn broen kleur en eine lach
Is steeds op zien gelaot
As hae dae zak trèktj mèt geveul
Zoeë krek bove de maot
Hae trèktj muziek veur joonk en aod
Oet ziene monika
En auch de tekste zeen kei good
Lalalalalalaaaaa

Trèk de trèkzak ………….

Noesjierig



Geiter emes trouwe dan zeen ze oppe bein
Dan stoan ze get te gape doa op det kirkplein
Of 't noê weitj of rèngeltj, 't hageltj of 't snietj
Of as 't middigaete of 't gezin d'r ònger lietj

Ze sloan gein broeleft euver ze loate noeët neet noa
As 't begintj te treumpe dan zeen ze zeker doa
Ze kieke noa 't bruûdje, 't heudje en 't kleid
En kònne zuver zègge of 't waal of neet good steit

	't Zeen altiêd dezelfdje die stoan doa ane kantj
	Die stoan doa get te kwebbele mèt 't fietske ane handj
	't Zeen d'r stök of zeve, 't einige publiek
	Die hebbe völ te wiêze en altiêd waal kritiek

Ze zeuke zich ein plaetske kort bie de middegânk
Dan kinne ze good kieke weem in't kort is en in't lânk
Ze kinne de femilies en hebben zoeë gezeên
Of uuëmkes en of têntjes allemoal gekome zeên

Doa weurdj auch good gekeke wie pap of mam zich hèltj
En ofter bie de oajers mesjien ein träönke vèltj
Dan spitse ze de oeëre en loestere hieël stil
Of broedegom en bruûdje ouch waal zègge: Ja ik wil!

	't Zeên altiêd dezelfdje die vrieët noesjierig zeên
	Die wille âl mètmake en leefst vanaaf 't begin
	't Is mesjien ein zeekdje of God weit wat 't is
	Mer ein dink hèltj heur bezig: ich hoop det ich niks mis

Dan kome ze noa boete, blieve nog effe stoan
Wille nog snel vertèlle woeë ze woeëne goan
Sòms huuërse heur dan zègge: ze loupe langs heur sjoôn
Ze hebbe zelf gebouwdj, woeë zoje ze 't van doôn

De meiste blieve doanoa nog hieël röstig stoan
En ein die zuse snel nog noa de slegter goan
Det mòt nog kònne lökke, gauw effe tösse door
Nog veur 't volgendj broêdspaar, euver ein half oor

	't Zeen altiêd dezelfdje doa oppe lèste rie
	Mer wiese 't ouch bekiêkst, ze huuëre d'r toch biê
	Dorròm is 't oeteindelik toch neet zoeë’n probleem
	Waat zo ein trouwpertie sònger noesjierig volk zeên???

Spek en ei-jer



Nao’t kroegje haer, good door gaon zakke
De zootst nog gaer , get binne pakke
Dan geise snel nog örges effe lekker bakke
Get spek mèt ei-jer

Good veur de maag,Kriegs weer noew laeve, 
wils weer op slaag, Ei rundje gaeve
dan kinse good weer ein paar eurkes wiejer laeve
door spek mèt ei-jer

en hinne sop, auch det zal smake
de knaps weer op, waal zelf make
mer boven-al zal dan ’t allerbèste smake
get spek mèt ei-jer

ein broeleft gatj, en flink gezope
neet mieër getaptj, den aafgedrope
dan snel nog örges effe doorgaon des te hope
mèt spek mèt ei-jer

de ruukst ’t al, dao weurtj gebraoje
völ stòmme kal, en minsgenaoje
want steit de pan op’t veur dan bìn ich neet te haoje
tis spek mèt ei-jer

de reuk dae keumtj, dien naas al binne
neet mieër gezeumptj, ’t kan zoeë beginne
dan houw ich mich ein lekker werm hepke binne
get spek mèt ei-jer

ich laotj neet staon, mòsse neet dinke
heb’ch noeët gedaon, ‘ch wil auch get drinke
dao heb ich good-doon van en mörge zal ich dinke
aan spek mèt ei-jer

asse det op hebst lètj ’t niks al weurtj ’t later
det spek mèt ei-jer
’t hulptj dich in dien gevecht tege de kater
Det spek mèt ei-jer
Völ spek mèt ei-jer, Good spek mèt ei-jer
Sjoeën spek mèt ei-jer, Get spek mèt zwaard aan
Of allein ein eike, Den doojer alik
Of spek mèt ei-jer , Völ spek mèt eijer

De Mooshoof huuërtj bie paad

van de Mooshoofpaadzengers



wie de striêk pèstj bie ’t iezer en ’t keuper pèstj bie poets
zoeë huuërtj de klok weer bie de wiezer en bie acht oor huuërtj ’t noets
wie de sop huuërtj bie de kete,l huuërtj de tore bie de haan
en wie de brandj huuërtj bie de netel, huuërtj de tap weer bie de kraan
bie de knien huuëre de keutels, bie de hieëring huuërtj ein tent
auto’s zeen niks sònger sleutels en op ein troefel mòt cement
inne sjoon mòt eine nistel, bie de frika huuërtj ein del
bie pestoeër huuërtj ein epistel en bie Tungelder de wel
oh yeah baby, alleloeja I luf joe so

bie de kaeper huuëre negel, bie de bekker huuërtj de mik
bie de post huuërtj eine zegel, bie de geitebòk de sik
bie de appel huuëre kitse en de tille huuërtj bie foon
bie de bòks huuëre de litse en bie Pietje huuërtj van Loon
mösse mòtte in ein kuuëtje en versjètte inne laaj
bie `t verke huuërtj ein puuëtje en bie proeme ein stök vlaaj
bie `t zaot huuëre de maale, bie ’t humme huuërtj de slup
bie de eier huuëre sjale en bie Leike huuërtj de Tup
oh yeah baby, alleloeja I luf joe so

wie de haan huuërtj bie de hinne en de Waal weer huuërtj bie Huub
huuërtj ’t vrieje dèk bie minne en bie slappe huuërtj de tuup
wie de klok huuërtj bie de klepel, huuërtj ’t mest bie eine boor
en wie steeltje huuërt bie repel, huuërtj de wintjer bie de poor
bie de koe huuërtj eine flater, bie de taofel mòtte steul
bie de broene huuërt ‘ne pater en bie erte huuërtj de peul
bie de mik huuëre de sneetjes, bie de brouwerie ’t vaat
bie refreine huuëre leedjes, bie de mooshoof huuërtj de paad
oh yeah baby, alleloeja I luf joe so
oh yeah babe, bie de mooshoof huuërtj de paad
oh yeah baby, bie de mooshoof huuërtj de paad, pahoeoeoe

Waat eine nacht

op de melodie van 'Het is een nacht' van Guus Meeuwis



Ich kiek oppe wèkker, tis al half drie
Ich drei mich weer òm op ein anger zie
Ich kòm neet òm slaop, nog gein aug toegedaon
En ich bin al twelf kieër nao de WC motte gaon
Naeve mien bèd is d’n ummer nog leeg
Mer ’t ròmmeltj inne boek, dao is van alles oppeeg
Miene kop dae roonktj, hae hamertj en boonktj
Dit is zoeë’ne nacht, dae geit mich bove mien macht

Tis eine nacht dae ‘se normaal neet gauw in films zuust
Zoeë eine nacht de is nog zwaorder dan ’t zwaorste kruus
Tis eine nacht woeëvan ich dacht det ich hum noeëts belaeve zooj
Mer tizzenacht belaef ich hum en…. tegooj , hohohohooj

Dan steit oppins ein van die jong aan mien bèd
Dae klaagtj van pien aan d’oeëre, zit ich dao auch nog mèt
Ich doon weer de lamp aan en ich hof mich d’r oet
Ich val euver d’n ummer en ich lik op mien snoêt
Mer nondedjuu dao geit noê echt alles fout
Ich stroompel nao de kraan mèt eine kop wie van hout
Dit is zoeë’ne nacht, dae allein mer ozel bracht

Tis eine nacht………………..

Ein half oor later kroep ich eindlik weer drin
Tis kwart op veer gewore, ich bin ram ane pin
Ich doezell bitje wèg mer dan oppins zeet mien vrouw
Ich gluif det ich get huuër dao ònger, kiêk dich ins gouw
De wèkker luiptj aaf, ich bin gein kwartje mieër waerd
Mer de baas dae reuptj, ich mòt nao mien werk
dit waas eine nacht, dae kòsdje vreiselik völ kracht

oos alle daagse nachte zeen sòms waal ein gevecht
en eine nacht wie deze, is laeves echt

tis eine nacht……………….

Mer tizzenacht belaef ich hum en…. tegooj , hohohohooj
Mer tizzenacht belaef ich hum in Rooj

Dich allein

op de melodie van Dave Kincaid



Vrouke blief tot aan miên inj
Veur altiêd bie mich
Want ich gluif neet det ich oeët
Nog eme vinj wie dich

Veul mich good bie dich
Daag en nacht dink ich allein aan dich
Draag dich altiêd in miên hert
Det duistich ouch mèt mich

Same door 't laeve goan 
Det waas oze wins
Geniete lache en plezeer
Zoeëvöl asse kinst

Veul mich......

Oos laeve woord komplieët
Mèt get joônk gelök
En hieël völ later dinke wae
Doa gaer nog ins aan trök

Veul mich......

Same kònne wae alles aan
Zörg groeët of klein
Same waere wae dan oad
Zeen tot oos inj bie-ein
Veul mich......

Stoppe mèt rauke



Ich roukdje al zoeën twintjig joar
En ich heb hieël wat wèggebloaze, völ wèggebloaze
De ieërste drek al smörges vreug
En de lèste veur 't sloape, veur ich ging sloape
Dae reuk dae smaak dae nikotien
Ich kosse gein van drieje misse, kosse neet misse

Mer de lèste tiêd begost ich waal
Get dèkker zwoar te kòffe, braaf zwoar te kòffe
De bloodrök ging steeds mieër òmhoeëg
En de oam woord almer minder, dudelik minder

En wie ich bie de dokter kwaam
Wist ich noê bin ich gekloeëtj
En ich heb mèt pien en mote toen
Miene sjekbuul wèggegoeëtj

Noê biêt ich al mien negel aaf
En begin steeds mieër te snuike, steeds mieër te snuike
Slik anti nikotinia
En ich plek euveral pleisters, euveral pleisters
Dae reuk smaak dae nikotien, 
Ich kan ze nog almer neet misse, kan ze neet misse

Ich weit neet woeëtj ich zeuke mòt
Hieël mien liêf steit stiêf vanne stress
En noê keumtj veur 't ieërst mien dochter thoês
Mèt eine sjekbuul oppe tes

Lalalalalala

Roeëd stoan



De maondj is nog neet òm, toch weit ich al ich kòm
Mèt miê geldj weer neet oet
De waeke zeen te lank en dus sjrieftj mich de bank
Detj op is
Ich staon weer roeëd, ich staon weer roeëd
Ein hieël stök inne min, dao geit dich toch de zin
Van euver

Ich doon hieël zunig aan, de auto vanne baan
De gezèt opgezagtj
Ich mòt mèt mien aoj sjoon, nog me rein jaörke doon
Tis sjaemel
Ich staon weer roeëd, ich staon weer roeëd
Ein hieël stök inne min, dao geit dich toch de zin
Van euver

’t vluugtj bie òs , d’r oet door eder deur 
en eders kieër , völ mieër dan det ich beur
En ònger’t bèd , liktj geine aoje zok, 
dus ich staon d’r geregeldj sjaemel veur

as ich noê ins get wòn, ich pak mer ins ein tòn
of ein half miljoen
dan waas ich hieël d’r oet, genògt òm jaore vroet
te kònne
mer ich staon roeëd, waat ein gekloeët
ein hieël stök inne min, dao geit dich toch de zin,
van euver

’t vluugtj bie òs , d’r oet door eder deur ………..

Toch draum ich waal ins oeëts, al weit ich detjer noeëts
Van zal kome
Want Jantje mèt de pet, dae kan geröstj zoeë get
Vergaete

Ich staon weer roeëd, ich staon weer roeëd…….

Marieke



Lèst kwaam ich langs ein hoês zoeë roondj acht ore
Doa zaag ich heur en waas op slaag verlore
Van binne veuldje ich auch ein verlange
Ich dacht dit weurdj veur mich echt miene daag
Want mien geveul zagt: noê mòsse 't woage
En heur ins lekker mèt dich oet goan vroage
Bin zenuwechtig noa heur haer gegange
Ich vroag 't heur mèt kriebels inne maag
Marieke Marieke Marieke, Wils dich neet ins oetgoan mèt mich
Marieke Marieke Marieke, Want ich bin toch zoeë wèg van dich
Mòsse mich ins kieke, ich bin ein good pertieke
Doa zulst dich veur bezwiêke, dus gank noê mèt mèt mich

Instrumentaal....

Stòng heur mèt ope moondj doa te bekieke
Zu zagt ich bin get veur oos mam aan't striêke
Ich dacht motdomme waat toch eine spetter
Toen zagt zu: ich klei-j mich hieël effe òm
Miên hert ging vrieët tekieër zèk minsgenoaje
Ich sjròk en dacht wat stoan ich hiê te hoaje
En zagt tege michzelf: dich bèst knetter!
Maak desse wèg keumst, doot noê neet zoeë stòm

Marieke Marieke Marieke  Dich kònst eig'lik neet mèt mèt mich
Marieke Marieke Marieke  Al bin ich auch zoeë wèg van dich
Ich bin gein good pertieke, ich bin getroutj mèt Mieke
Blief dich mer lekker striêke, weit neet wat waas mèt mich
Goan d'r eine drinke, ein bitje aan dich dinke
Mien vrouw ein bleumke sjinke, 't zal bèste zeen veur mich
't Zal bèste zeen veur mich, weit neet waat waas mèt mich
Dich kònst neet mèt mèt mich, 't zal bèste zeen veur mich
Oh nonononononono

Wullem



Ein indje boete 't törpke doa laag ein boorderie
De boorderie van Wullem mèt ein bitje groondj opzie
Hae woeëndje doa van joongs aaf aan, bewirkdje ziene groondj
Wullem waas kòntent, hae kwaam d'r net mèt roondj

En toen kwome de hieëre die det plan haje bedachtj
Det op groondj van Wullem eine weêg woord aangelagdj
Ze haje auch ein teikening en doa stòng alles op
Wullem zagt gein woord mer sjödje ziene kop

		Want doa woeë d'r woeëne woeë d'r gebore waas
		Doa woeë d'r blieve want ae waas zien eige baas
		Al watter haaj, haaj d'r mèt eige heinj gedoan
		Zien boorderie, zien laeve ziên bestoan

Ein waek of get d'rnoa kwaam eine breef van hoeëgerhandj
Det 't zeker door most goan dae weêg door Wulems landj
Ze boje hum ouch geldj en 't waas echt 'ne hieële houp
Mer Wullem bleef d'r biê, dae groondj waa neet te koup


      		Want doa woeë d'r woeëne woeë d'r gebore waas
		Doa woeë d'r blieve want ae waas zien eige baas
		Al watter haaj, haaj d'r mèt eige heinj gedoan
		Zien boorderie, zien laeve ziên bestoan







De hieëre mèt de kraag die wore det op't lèste meug
Ze zagte tege Wulem de hebst nog tiêd tot mörgevreug
Assedan nog neet geteikendj hebst dan gei't dich hieël slecht
Want dan bringe wae de zaak veur 't gerecht


Mer Wullem dae heel voot bie stök en teikendje dus neet
Toen moster noa de rechte dae de zaak bekeke het
't Doordje neet zoeë lang toen kloonk de oetspraak door de zaal:
't Gerecht beslistj, dae weêg dae keumtjer waal!


		Toch woeëj d'r doa woeëne woeë d'r gebore waas
		Doa woeëj d'r blieve, doa waas hae zien eige baas
		Al watter haaj haaj d'r mèt eige heinj gedoan
		Zien boorderie ziên laeve ziên bestoan

		Hae mocht neet blieve woeë d'r gebore waas
		Hae most vertrèkke waas neet mieër zien eige baas
		Al watter haaj 't waas in eine klap geodoan
		Gein boorderie gein laeve gaein bestoan

Trouwleedje



Wae twieëje beslote òs laeve te deile
Vònje dein danger en ’t wònjer waas dao
Dao is get gebeurdj waat gein mins kan verklaore
Neme dae weit wat de leefdje kan doon
“ich haoj van dich , dich bèst alles veur mich “
òntèlbaar dèk oetgesproke
same veurtaan kònne wae’t laeve aan
dich hebst in mich get gebroke
wae zòlle d’r same get goods van gaon make
gaef mich dien handj, want de weeg is nog lank

instrumentaal koeplet tussenspel

ich haoj van dich , dich bèst alles veur mich
òntèlbaar dèk oetgesproke
same veurtaan kònne wae ’t laeve aan
dich hebst in mich get gebroke
wae zòlle d’r same get goods van gaon make
gaef mich dien handj, want de weeg is nog lank
gaef mich dien handj, want de weeg is nog lank

Barbekjoew



Pompopopom………
Bababababa…………barbekjoew

Wae haoje zoeë völ van barbekjoew
Want dao aete wae os ram aan toe
Dao liktj dan altiêd zoeë völ lekkers
Get herste en saté, kortelètte en hinnefilé

Pompopopom…………..

Aanmake det doortj altiêd te lang
Eindlik kòn’se dan toch ane gang
As diene lap dan bienao gaar is
Dan zuse hum zoeë gaer
Djuu, hae litsj dich door de ruuëster haer

Oppenoe mèt eine groeëte lap
Tössedoor nog mer ins nao de tap
Dien lepke liktj dich aan te lache
Verlangtj nao diene moondj
Mer vaeltj vanne telder oppe groondj

Waat gebeurdh dicvh effe later weer
Kriegse zoeë ein lieëlik louw glaas beer
En nog get later òm te beùke
Tis vrieët waat eine sjrik
Diene herst dae vluugtj dich inne fik

Weurster gek van waat noê toch gedaon
Op lege maag kònse neet blieve gaon
’t kan dich noê echt niks mieër bòmme
En kiekst neet mieë zoeë nouw
Its dich get al istj herstikke rouw

Bababababa ……………………….

Miên autoke



Ich heb ein hieël aod autoke, tis mieër as vieftieën jaor
Mien vrouw die zeet ; doot wèg det dink want det is ein gevaor
Hae is al drie kieër roondj gewaestj, noê blieftj de tèller staon
Ich vree dus detter noê neet al te lang mieër mèt zal gaon

Hae sputtertj steeds mieër tege, want hae wiltj neet mieër zoeë gaer
Toch krieg ich hum nog eder jaor, door de keuring haer
Ich heb al hiê en dao ein stök d’r tösse mòtte lasse
Hae is de lèste zeve jaor neet mieër tegooj gewasse

Tuut tuut tududududuuu………

Hae’s roeëd wie ein tomaat mer det is neet zien ieërste kleur
Oeët waaster wit en zilver griês en auch nog greun daoveur
De koplampe staon sjeif en inne stool zitj ein groeët gaat
Dao’s niks orrizjineels mieër aan, allein de nummerplaat

Hae’s euveral gerostj, de kiekst op plaatse zoeë d’r door
En gister aovendj raakdje ich alweer ein stökske moor
De deur geit neet mieër toe, en eine raam mer half oop
dus as ich effe ieërlik bìn is tink riêp veur de sloop

tuut tuut tududududuuu……….

Toch bìn ich door de jaore, vriët gehechtj aan deze wage
Hae heet mich altiêd good gedeentj, ich maag neet van hum klage
Ich heb de mood hum wèg te doon nog neet bie-ein geraaptj
En heb vandaag beslote det ich hum rie tot detter gaaptj

Tuut tuut tududududuuu……... 

Blief neet stilstoan



Kiêk neet mieër achteròm
Allein mer vroêt
Wat is gewaestj
Zal neet mieër kome
De trein van’t laeve steit neet stil
Haoj hum op ’t spoor
Wae mòtte mèt
Wae mòtte door

Sòms zitj ’t mèt 
en sòms geit ’t auch neet
sòms lachtj dich’t laeve aan
en sòms keuntj ein traon
kiêk nao de zòn
en haoj de kop òmhoeëg
kiêk nao de zòn
die sjientj veur dich

nao vandaag
kome d’r anger daag
mesjien kriegtj dan dien laeve
weer ein noe gezicht

kiêk neet mieër achteròm
allein mer vroet
wat is gewaestj
zal neet mieër kome
de trein van’t laeve steit neet stil
haoj hum op ’t spoor
wae mötte mèt
wae mòtte door……………..

De wei



Is de optocht gedaon weurtjer òntbònje
In de wei weurtjer dan verteer gevònje
Tamboer maeters, bielemanne âl doorein
Inne wie ’t echte sjötters-terrein
Ze mòtte tròmme en auch eksersere
Keuningspare gaon zich presentere
De sjötte keurig in ’t uniform pak
Want ein aantal det mòt nog ane bak

Refrein;
Ister sjöttefieëst dan gaon wae nao de wei
Gaon wae nao de wei
Ister sjöttersfieëst zeen wae altiêd d’r bie
Laeve de sjötterie

Bie de ieërste buim begintj ’t sjete
En de huuërst völ komando’s en krete
Bie ’t vendele dao zeen d’r auch al klaor
De zjurie heet ’t weer vreiselik zwaor
Hiê en dao weurtjer auch al aafgedrope
De ieërste bösse die waere aafgerope
Knuip die gaon al los van’t uniform pak
Mer dao mòtte d’r auch nog ane bak

Refrein

Ane sjeetbuim dao geitj òm milimaeters
Inne aettent dao kome steeds mieër aeters
Door ’t nuttige van âl die glaeskes drank
Weurtj ’t almer drökker bie de plank
En de volgendje bös klinktj oete spiekers
Dao weurtj noê auch bekintj wievöl kiekers
Almer minder uniform weurtj ’t pak
Want dao hove d’r neet völ mieër ane bak

Refrein

Op ’t inj duit de beertent gooj zake
Ederein wiltj de bònne op gaon m ake
En de winnaar bie ’t sjete is bekindj
Zoeë detj noê inne tent echt begintj
Det weurtj fieëste tot in de late ore
Veur de echte kantj neet lang genògt gaon dore
Al hieël lang hooftj geine sjöt mieër ane bak
Bienao geine luiptj nog netjes in ziê pak

Refrein

Hollensj lieëre (lès 2)



We zulle drek beginne, dan zijn we dalik klaar
Kom effe hiejeroppes, laat de stevele maar daar
Ik zal wat thee inschudde, zet u maar erges neer
Mag ik een sjekkie piele, ‘k heb niks as kebsel meer
Wat zit jij hieër te nijse, ben dat geknoter meug
Kijk niet zo nuuëzel, doe eens get met veug……lalala
Bedeine komt mijn vader, dan krijg ik meschien schoor
Hij kan zo lelik nut doen en watst mij aan mijn oor

Wij lere onze kindre hoe je hollands kalle moet
Nog zijn er almer foutjes , mar ze gaan met bitjes vroêt

De vis zit vol met vlumme, de moortjes zijn niet gaar
Geef mij de wulle bone, wat smaakt de spargel raar
Een pittig henne soepje, een streentje kermenaaj
Daarna een tasje koffie met een stuk gruimeltjes vlaaj
Ik heb weer teveel gete, dan tirvelt mij de maag
En heremens dat is zo knap al daag,  lalala

Wij lere onze kindre hoe je hollands kalle moet
Nog zijn er almer foutjes maar we gaan er toch op vroêt

De wichter zijn aant joeke, ze hebbe vrete lol
Ze zijn niet meug te kriege, wie houde ze ut vol
Kijk hoe e zich begaje, straks zijn ze weer zijpnat
Daar worden ze verkoud van, d’r is al ozel zat
Het lijvend hangt te droge , daar buite oppe draad
Djuu wat een toter oppe mooshoofpaad,  lalala
Sta je niet op te rijte, ga effe gunjer heer
En over een keteer ben je alweer d’r overheer

’t kan van pas gaan kome als je vroeg ’t hollands leert
Wij make er geen punt van ook al gaat ‘t ram verkeerd

Drök drök



Vrieët zèk wie wae òs toch jage
Almer drök en geine tiêd
Alles snel en almer klage
En de röst die zeen wae kwiêt
De agenda vôl veur waeke
Ich ren mich zelf dèk veurbie
Dao wil ich noê doorhaer gaon braeke
Ich kin mien eige straks neet mieër

Mer vandaag, istj gedaon
Waat nog mòt det laot ich staon
Ich sjuuf âl veur mich oet
‘ch gaon mer ins rejaal d’r oet

Alles mòsse programmere
alles plenne , âl op maot
De kòns knap neet mieër sjuuns masjere
Alles mòt mèt ein gelaot
Sòms begintj ’t mich te drei-je
Stress dae springtj mich oppe rök
Ich laotj van noê aaf mer get wei-je
Ich val nog lever van ein krök

Dus vandaag , istj gedaon
Waat nog mòt det laot ich staon
Ich sjuuf âl veur mich oet
‘ch gaon mer ins rejaal d’r oet

Euverwirke, speuje, jakke
Tössedoor ‘ne snelle hap
Geine tiêd òm vriê te apkke
Almer vroet en almer rap
’t Is echt neet mieër biê te haoje
’t laeve rentj gewoeën te haard
Dus waat ich wil det kinse raoje
Ich minder mer ins flink wat vaart

Nao vandaag, istj gedaon
Waat nog mòt det laot ich staon
Ich sjuuf âl , veur mich oet
Ich gaon mer ins rejaal d’r oet

Nao vandaag, istj gedaon
Waat nog mòt det laot ich staon
Ich sjuuf âl , veur mich oet
Ich gaon mer ins rejaal d’r oet

Oze mooshoof



Al joarelânk zeen wae bie-ein
En niks of nemes kreeg os klein
Wae woeëje get zinge, de minse get bringe
As Mooshoofpaad
De bròn van oos ideje laâg
Bie dinger van alle daâg
Men kost 't waardere wie wae't prezentere
As Mooshoofpaad

Waat ouch gebeurtj, ein dink det is woar
Waat hèltj os zoeë bie-ein en det al zoeëvöl joar
Des oze Mooshoof
Veur os is same zinge 't sjoeënste waat besteit
in oze Mooshoof


Wae zitte op 't juuste spoôr
En goan nog gaer ein hieël poeës doôr
Wae hebbe nog hònger, kònne echt nog neet sònger
Oze Mooshoofpaad

Waat ouch........

Begin

op de melodie van 'We all stand together' van McCartney



Noê staon wae, op ceedee
Des weer get anges dan bandj of L.P.
Zètj geluid lekker haard
De Mooshoofpaadzengers

Dao is zat , veur ederein wat
Stummige leedjes en herstikke plat
Gaeftj eur oeëre good de kost
De Mooshoofpaadzengers

Ahhhaaaaa
Mooshoofpaadzengers oet Rooj
Ahhhaaaaa
De Mooshoofpaad , is weer parraat

Mmmmmm
Zaktj ins lekker òngeroet
De Mooshoofpaadzengers
De Mooshoofpaadzengers

Blome

op de melodie van 'Dikke dahlia' van B. Diederen



Die van mich is eine kater --  en det is gein reklaam
Mer völ gaeve heur vrouke -- eine sjoeëne blomenaam
Eine sjoeëne blomenaam 

Sòmmige slijme tege ’t maegdje -- miên ruuëske det weurtj fataal
Want die zeen echt gevoarlik -- die staeke abnormaal
Die staeke abnormaal 

Neumtjer eme zien vrouw eine kaktus  -- dan heet ze hoar oppe teinj
Mer istj eine hertshoorn -- dan heet ze groeëte heinj
Dan heet ze groeëte heinj

Zeter eme miên afrikaantje -- istj zeker ein doonker tiep
En ein verslakkertj bleumke -- det is neet mieër zoeë piep
Neet mieër zoeë piep joônk

(A capella)  Dich bèst miene sanseveria -- dan isse groeët en flink
               Of zeter miên vètpleintje dan istj ein vèttig dink
               Dan istj ein vèttig dink

Noê dinktj gae allemoal zeker -- Die men zeen neet good wiês
Mer gae kriegtj de moraal noê -- van oos blomeparadiês
Van oos blomeparadiês

Die van òs dao is gein kwaod aan -- gein tulp of foeksia
Veur os bluutj in os huuske -- ein hieël leef dalia
Ein hieël leef dalia

(a capella) Gaef eur bloom petiêd get water -- get leefdje en gelök
       Dan kriegtj gae zeker ouch ins -- ein hieël klein sjeutje trök
       Ein hieël klein sjeutje trök

Klei-jer kaupe

op de melodie van 'Pack die Badehose ein' van Froboess-Bradtke



aaf en toe dan zeet mien vrouw
zèk wae mòste weer ins gouw
nao de klei-jerwinkel want det is haart vandoon
ich heb niks mieër aan te doon
en ich mòt ein noe paar sjoon
noê istj oetverkoup dus det sjiltj òs eine houp

refrein;
dus op miene ADV örges wiêt nao V & D
want wae mòtte klei-jer koupe
ich heb flink de smoor d’r in
want ich heb totaal gein zin
jao gezellig klei-jer koupe
flink get sente inne tas, eurocheques en europas
want de rietst toch neet nao Haerle haer
allein veur eine jas
ich vintj sjaemel zoeë’ne daag
‘t mòst neet kinne det det maag
Zoeë’ne vrieëte meuge klei-jer koupe daag

Bès’se eindlik in zoeë’n zaak
Geit mien vrouw op heur gemaak
Oetgebreitj aan’t zeuke en snuffeltj lank en breit
Pashok in en pashok oet
Mer det geit totaal neet Vroet
En bie eder kleid vreugtj ze mich wie det ’t steit

Refr;
Dao geit miene ADV örges wiêt bie V & D  etc.

‘t is bekans al zeve oor
Mer mien vrouw geit koppig door
Vôl gepaktj mèt buule sjouw ich achter heur aan
Winkel dao en winkel hiê
Hang d’r mer zoeë’n bitje biê
Eindlik istj zoeë wiêt, God zij dank tis sloetingstiêd

Refrein
Det waas miene ADV, örges wiêt bie V & D
Want wae mòste klei-jer koupe
Ich haaj hieëlemaol gein zin, en noê bin ich ane pin
Jao gezellig klei-jer koupe
Alle sente oete tas, niks mieër euver as de pas
En zuu heet van âl gekochtj behalve sjoon en eine jas
’t waas sjaemel deze daag
Most neet kinne det det maag
Zoeë’ne vrieëte meuge klei-jer koupe daag

Fizioterapie

op de melodie van 'Non je ne regrette rien' van Dumont-Vaucaire



Ich heb pien aan mien knie
Eine steek in mien zie
En det trèktj door mien prie
Fiezioterapie
Ich heb vrieëte zweitveut
En miên blood is te zeut
Inne nek eine sjeût
Fiezioterapeut

Eine vrieët stieve erm
Ich hebtj altiêd zoeë werm
Dao’s get fout mèt mien derm
Fieziote-ocherm
Maak ich mich sòms te drök
Kiêk ins nao miene rök
Want ’t keumtj almer trök
Fieziotera-krök

Auw….auwauwieë
Auw….auw wat duit det toch wieë
In mien kneûk, in mien leej
Mer veural in mien portemenee

Auch al aet ich gezoondj
Bin te dik en te roondj
Hieëremins waat ein koontj
Fiezioterapoontj
Koppien heb ich altiêd
Ich heb pien as ich biêt
Bin de miniskus kwiêt
Fiziodikkespiêt

Auw…..auw auwieë…….

Miêne boek is te dik	
Ich heb almer de hik
Duit mich pien as ich slik
Fiziodikkemik
Ich gaef völ te völ gaas
En ich heb ein loupnaas
Fizioteradwaas

Refr. 2x

Up to deet

op de melodie van 'Ik heb genoeg van jou' van Bouber



staotj gae nog altiêd orelank te braoje
dan kauptj uch mörge eine magnetron
gae kòntj  ‘t aete lekker werm haoje
en det geklungel inne keuke is gedaon
allein get aete oete diepvries hale
dan doetse effe oppe sjakelaar
de most nateurlik waal de stroum betale
mer binne ein keteer is alles snotergaar

ederein heet ’t en ederein zeet ‘t
ein magnetrönke det is pas get
hebtj gae d’r nog geine,det kòndjer neet meine
eine magnetron is je van het
hebtj gae zoeë’n dink hebtj gae zoeë’n dink
hebtj gae zoeë’n dink nog neet
lalalala lalalala gae zeetj neet up toe deet

hebtj gae nog geine video recorder
waat huuër ich noê hebtj gae zoeë’n dink nog neet
dan weurtj ’t tiêd gae louptj ein hieël stok achter
want ’t is zeker det al ederein det heet
de hoofst dich nörges euver op te riête
en de pin-up-club die neem’se lekker op
dan kinse sangerdaags nog ins geniete
en bie ’t aller sjoeënste stök zètse hum Stopp

ederein heet ‚t en ederein zeet’t
eine viedeejoo det is pas get
hebtj gae d’r nog gein, det kòndjer neet meine
eine viedeejoo des je van het
hebtj gae….etc.

hebtj gae nog geine pörsenel kompjoeter
det snap ich neet, det heet toch ederein
des geine luuks, det dink is neet te misse
zoeë’n apparaat haeltj hieël ’t hoêshaoje bie-ein
de zuust op slaag wase nog most betale
hae zeet dich drek wannieër’se roeëd keumst staon
hae raekentj oet woeë’se de waar most hale
en wie völ flesse beer nog inne kelder staon

ederein heet’t en ederein zeet’t 
zoeë ein PC-ke det is pas get
hebtj gae d’r nog geine, det kòndjer neet meine
eine PC is je van het
hebtj gae……etc.

hentj gae nog zoeë ‘ne aoje platespeuler
goeëj gouw ewèg , zoeë’n dink det is antiek
want det gekloeët mèt al die langspeulplate
des aojerwèts det is toch hieël geine muziek
eine ceedee det is pas ein geluidje
niks gein gekraak en nörges gein gekras
de huuërst presies eder  fiejoeël en fluitje
eine ceedee dan huuërse alles ieërste klas

ederein heet ’t en ederein zeet ‘t
zoeë ein ceedeeke det is pas get
hebtj gae d’r nog geine, det kòndjer neet meine
eine ceedee des je van het
hebtj gae…..etc

Hollendsj lieëre (lès 1)

op de melodie van 'Calcutta liegt am Ganges' van Gaze-Bradtke



Ik moet nog naar de slechter, voor huidkees en kerbuit
Ik heb geen kalebeske dus doe 't maar in een tuit
Maak jij de tafel veerdig ons pap is al oppeeg
Jij moet niet zo hard smekken en eet je telder leeg
Ik lust geen botermelk daar rupsel ik zo van
Geef mij maar liever eerpel inne pan  lalala
De keek staat oppe aanrek d'r is nog kronselvlaaj
Neem nog gerust een spieke jij doet je eigen schaaj

	Wij lere onze kind'ren  hoe je Hollans prate moet
	D'r zitte nog wel foutjes maar wij gaan er toch op vroet

Wij hebben ook nog knijne twee rekels en een moor
De hoof staat vol met puine vooral tusse de poor
De meer heeft moete veulen en onze hond is luips
De meis was dit jaar schemel dus dat was niet veel suips
De steel is uit de schoefel de kruikar moet gesmeerd
Heb jij de achterkeuke al gekeerd? lalala
Mijn fiets staat in het schopje, de slijkplaat ister aaf
Het raad is heel gevleugeld want ik viel in de graaf

	Wij lere onze kind'ren  hoe je Hollans prate moet
	D'r zitte nog wel foutjes maar wij gaan er toch op vroet

Nou ga eens uit de wiek hier, je loopt me inne weeg
Jij bent een heel weers menke en dalik krijg je sleeg
Nou hou eens op met kuite drek is het beukestijd
Ik word er niet tegoej van ik weet me geen geleid
Hij zat mij steeds te tuffe het is zijn eigen schout
Ik heb hem op zijn kinnebak gehouwd  lalala
Wij hebben heel dek ruzie wij rijden steeds de beer
Zo gaat dat alzeleve ons mam heeft dat niks geer

	Je hebt er veel profijt van als je vroeg het Hollans leert
	Wij maken er geen punt van ook al doen we 't ram verkeerd

Miene bèste vreendj

op de melodie van 'You're my best friend' van Holyfield



Deze rink aan miene vinger
Zeet mich mieër, mieër dan doezendj weurd
Tis völ mieër dan goud of zilver
Want dich bèst veur mich allein

	Dich bèst steun as ich wankel
	Dich bèst mood bie alle tegeslaâg
	Dich bèst röst in miên hoastig laeve
	Mer bovenal, miene bèste vreêndj

Sònger dich bin ich nemes
Dich bèst alles waat ich nuuëdig heb
Ich hoof noê neet mieër te zeuke
Ich vònj dich en baeter kos 't neet

	Dich bèst.........

't Hundje van de buurman

op de melodie van 'Mein kleiner grüner Cactus' van Poterat-Leroy



Refr.
De buurman heet ein hundje
Ein mormel van ein dink
En ’t keftj en ’t keftj en ’t keftj – dabedabedab
Det mormel kann ich sjete
Ich baal behuuërlik flink
Wie ’t keftj wie ’t keftj wie ’t keftj  -dabedabedab
Keumtj smörges dan de post
Dan briktj de hel pas los
’t is vreislik wie’tj tekieër geit
En ’t bitj bitj bitj
De buurman heet ein hundje 
Ein mormel van ein dink
En det bitj en det bitj en det bitj

Somers dan kiek ich , euver de sjötting
Ich zeen dan dao de buurvrouw zònne
Ich wil get buurte, ins effe kalle
Det kann dae keffer neet bevalle
‚t is òngelökkig, wie d’r tekieër geit
Dao waer ich echt neet proont tegooj van
En weem opslaag den, dao veur mien naas steit
Det is dae klos van eine buurman

Refrein

Saoterdes gaon ich, ’t graas get mei-je
Dan zeen de buure auch weer bezig
Net get gesjoefeltj, sjoeën klaor mèt raeke
Begintj det bieëst dao op te zeike
Des nog neet alles, want waat geval is
’t rendje heb ich sjoeën gesneje
Jeh en waat duiter , dae leve brave
Begintj dao aan dae randj te Grave

Refr.
De buurman heet ein hundje
Ein mormel van ein dink
En ’t dabtj en ’t dantj en ’t dabtj  - dabbedabbedab
Det mormel kann ich sjete
Ich baal behuuërlik flink
Wie ’t dabtj wie ’t dabtj wie ’t dabtj – dabbedabbedab
Det emes hum mer sjoortj
’t heet lang genògt gedoortj
Det weurtj mich òngerhandj
Te völ te völ te völ
As ich me rins de kans krieg
Dan laot ich ’t neet nao
Loup ich hum ònger zien böl
Ònger zien böl, böl böl

Sinjorita

op de melodie van 'Pepito' van Tuscott & Taylor



Sinjorita maaktj mich dollos
Amor sleit mich inne bollos
Duitos niks as niepos
Almer inne kiejos
Laot toch lossos

En as wae dan lekker vriejos
Almer niepe inne kniejos
Ich kantj neet good liejos
Daoròm laot mien knie los
Laot toch lossos

En ich doonos
Euveral los
Sinjorita blief oet mien tessos

En ich bin noê good de klossos
Ich mèt miene euveral los
Ze begintj te niepos
Almer inne kniejos
Wossos jossos

-tösse spelke !!!

En ich doonos
Euveral los
Sinjorita 
Blief oet mien tessos

En ich bin noê good de klossos
Ich mèt miene euveral los
Ze begintj te niepos
Almer inne kniejos
Wossos jossos

Sinjorita nao de kloeëtos
Want det is hieël niks veur michos
De beun kan ze oppos
Lever vriegezellos
Niks mieër niepos
De beun kan ze oppos
Lever vriegezellos
Niks mieër niepos

Stroatname

op de melodie van 'Batje vier' van Saunders-Taylor



Vrieët wat weurtj os rooj toch groeët
De kinst dich neet mieër trùk
Euveral noew hoezer , euveral betonne blùk
De straote zeen auch spleentjer noew, Mer de name zeen antiek
Zoeë kriegse dan ein mingeling  , van aojerwèts en sjiek


De klemme , bokke , nantestraot 
nouw jeh det kan nog net
Mer ’t JEUPEN STRAATJE , det weurtj toch te gek
Wae hebbe euver dit geval ins stevig naogedachtj
En veur de toekomst get ludieke name vastgelagtj


De…..ummele mieke singel  - 
en de moone reine paad
De boelevaar de kets , en de tisse peere tinus straat
De lusemus rotonde ,   
en de stee bertjes baan
Het koppe herman hofje en de belle sanna laan


Wae zeen benoetj wat dangerdaag de plankommissie duit
Keumtjer nao plan west ein noew plan noord of zuid
Wat zal det meujlik waere veur ’t straotnaam kommitee
Mer wae as mooshoofpaad hebbe nog waal ein good idee


De pauwe prommenade – en de potte stienkes steeg
De hùrremese hei -  en de kraggebosse euverweeg
De hossemes passage – en de brabenjer laan
’t dirre snelle knooppunt en de rue de mieëwe jaan

De….. schotelese steenweg – en ut lewieze plein
De bobbelese dreef en ut allevere neer terrein
De oud filarski akker – en de nieuwe japers straat
De mechelese snelweg en tot slot de mooshoofpaad
De mechelese snelweg en tot slot de mooshoofpaad 

Jeugdherinneringe

van de Mooshoofpaadzengers



Doa zeen nog völ herinneringe aan de jeugd die ich heb gatj
Ich wil ze gaer ins veur uch zinge, 'cheb ze op muziek gezatj
As ich trök dink aan die dinger, as ich trök dink aan dae tiêd
Weit ich, dees herinneringe woeëj ich veur gein geldj mieër kwiêt

	Ich ging zoeë gaer nog effe trök
	Noa toen ich joonk waas, nog mer ein wècht waas
	Ich ging zoeë gaer nog effe trök
	Doa waas plezeer toen en doa hòng get van gelök

Ore lânk koste wae speule in ein bos of in ein koel
Euveral mòsse aan veule en dèk veelse op dien moel
Wae zote euvera; aan en tösse, kaldje groeëte minsekal
Van de eier vanne mösse maakdje wae 'ne sjoeëne krâl

Ich ging...........

Bie Heers Harie ane kese want die wore lekker zeut
Bie Lewiêze ane pese en bie Dreiers ane neût
En de appel van Verstege wore greun en völ te zoôr
Asse dich te pakke krege kreegse òngelökig sjoôr

Ich ging...........

As oos opa ging vertèlle zote wae mèt ope moel
twaas zoeë laevendj veur te stèlle aster't haaj euver de groel
Euver 't menke in 't kore det haaj heur op ziene kop
As det kwaam woorse verlore want det aât dich laevendj op

Ich ging...........

Optocht

op de melodie van 'De machtigste koning'



't Begin van dit fieëst in 't Limburgse landj
Is d'n optocht dae trèktj door de stroat
De minse die stoan rieje dik langs de kantj 
En de sjöte die loupe inne moat
Eine boontje stoet kilomaeters lânk 
hèltj de minse gezellig bie-ein
Kiek die kleure huuër ins dae muziek 
doavan hèltj toch ederein

Tiralala tiralala tiralala tiralala 
Kiek die kleure huuër ins dae muziek, 
doavan hèltj toch ederein

De bördjesdrager dae luiptj ein stök vroet
Mèt de naam Sint Ketrien of Sint Job
De tamboermaeter waat stöktjer zich oet
Goeëtj de stek regelmoatig hoe op
Doa marcheertj 't korps mèt de tròmmelieërs
En de bloazers mèt keupermuziek
Waat ein sjoow weurdj hiê geprezenteerdj 
kiek wie sjoeën ine rie en geliêk

Tiralala.....Waat ein sjoow

't Keuningspaar det is vreiselik sjiek
En det treutj noê hieël plechtig veurbiê
De huuërst euveral 't applaus van't publiek
Kiek doa volgtj de hieël sjötterie
Alle sjötte loupe in rieje van veer
Oppe moat van ein marsmelodie
Mèt de handj hieël stevig aan't geweer 
en de kop get òmhoeëg en opzie

Tiralala.....Mèt ein handj...

De zòn sjientj zoeë haard 't is vreiselik heit
En de optocht dae doortj nog zoeë lang
Langs eder gezicht stroumtj of dröppeltj 't zweit
En de reem ònger't kin zitj zoeë strang
Dju wat doon die veut op 't lèst toch pien
Mer doa's neme dae doa euver klaagtj
Want de sjoeënste optocht dae d'r is 
maaktj dit fieëst eder joar weer geslaagdj

Tiralala.....Want de sjoeënste...

Tegeslaag

van de Mooshoofpaadzengers



Doa zeen van die daag , dan zitj alles mich tege
Dan heet mich ’t noeëdlot te pakke gekrege
Begintj smurges vreug al, ich lik nog in bèd
Ich vertroew op miene wèkker mer dae wirktj neet mèt

Ich heb mich versloape , spring snel oete vaere
Dan snie ich mich flink in mie kin bie ’t sjaere
Dan doon ich mien sjoon aan, mer det mòt vùl te flot
En dan trèk ich potverdomme miene nistel kepot

Daag daag , sjaemele daag , daag daag vol tegeslaag
Daag daag , sjaemele daag , daag daag vol tegeslaag


Petiêd op mie werrik , det kan ich vergaete
Is auch nog de mik op dus ich heb niks te aete
Ich stap op mien fietske, bèn d’r knap hieël vanaaf
Hakkernon zèk doa luiptj mich de kètting d’r vanaaf

De baas dae is lestig , hae goeëtj mèt verwiête
Ich zeen detter zich lieëlik op steit te riête
Hae zeet det ich zoeë get neet mieër hoof te lappe
Det ich anges de volgendje kieër op kan stappe



Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag


Ich koom soaves thoes naat bezwètj en gebroke
Mien vrouw heet gein zin gatj òm aete te koke
Ich fiets noa de friet-tent en sjik oppernoe
Want doa hingtj mich toch ei bördje , 
vandaag zeen wae toe !!!

Ich wil vreug noa bèd, ich heb pien aan mien kneuk
Oppins geit de bel ich dink ; och God doa’s bezeuk
Ich bèn al zoeë meug , ich zooj vriët gaer goan pitte
Tis mie sjoeënmooder die blieftj tot hallef ein zitte

Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag

Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag

Neet mis(s)

op de melodie van 'Living next door to Alice' van Chin & Chapman



Ei puuëske trök, tis werklik waor
Zote wae veur de tilleviezie klaor, òm niks te misse
Ein hieël net maegdje van rojer kweek
Det zoow dao mètdoon dus hieël Rooj keek
Veural nao Linda

Want oppe tilleviezie dao stònge ze bie-ein
Ei stök of twelf vrouwluuj middelmaotig groeët en klein
En de veerdje inne rie det waas Linda de dochter van Alice
De wange flink gepoejerdj, de luppe keseroeëd
De häörkes opgestoke en de auge zwart en groeët
En dao stòng ze dan, waat ein stök
Linda, de dochter van Alice

Hieël Rooj keek met ope moondj
Weem zuut neet gaer ein lekker koontj, veural van Linda
Dit waas veur Rooj ein gooj reklaam
En ederskieër as Linda kwaam
Dachte wae die keumtj straks in de finale

Toen haaldje âl die vrouwluuj ’t badpak oete laaj
Dan koste wae bekieke waat eder vrouwmes haaj
Det zaat allemaol waal snor bie Linda de dochter van Alice
Zoeë lepe twelf pölle ei paar kieër op en nieër
Nao veerentwintjig bein wist de jury al weer mieër
En wae bleve hope det ze ’t zoow hale
Die dochter van Alice

Toen gingtj gebeure de lèste runj
Astj neet zoow lökke det waas doeëdzunj, veural veur Linda
De jury kwaam tot ein besloêt
En deildje hieël get peuntje oet
Mer neet veur Linda

Wae wore d’r kepot van, dae jury det waas pet
Die wiste d’r gein kloeëte van, weem duit noê toch zoeë get
En ze kòster waal mèt beùke, oos Linda, de dochter van Alice
’t laag neet aan ’t snuutje, ’t laag neet ane bein
De pien zaat örges anges, de sjoon wore te klein
Daoròm haaj ze zoeë benepe gekeke, die dochter van Alice

Joargetieje

van de Mooshoofpaadzengers



vreug in ’t veurjaor dan hingtj dao dae reuk
ich zeentj ane knupkes, ich veultj in mien kneûk
blujendje ketjes en zuid-oeëste windj
en dan veul ich mich blie wie ein kindj
want as `t veurjaor weurtj, de kaoj is wèggesteurtj
veul ich mich vlök, de zwelve kome trök
wat kander sjoeëner zeen, as al det greun begîn
knup staon op springe, de maerels die zinge
en ederein hejet zoeë drök

dan keumtj de zomer, ’t humme geit oet
wae zeuke de zòn op en trèkke d’r oet
greun is de waereldj en broên is mien liêf
en de zòn is al op òm half viêf
	want as’t zomer weurtj, is alles boontj gekleurtj
de zòn is baas, lik lankoet in ’t graas
hoof lekker niks te doon, laup berves in mien sjoon
niks kan mich sjille, ich zoow waal wille
detj edere daag zomer waas

dèk völ te vreug, is de zomer gedaon
de zuust op ’t veldj nog get stòppele staon
daag waere korter, ’t weurtj kaal euveral
en de kuuj gaon weer trök nao de stal
	want as’t herfst weurtj, en al det greun verkleurtj
dink ich mèt spiêt, aan dae sjoeëne zomertiêd
’t waer is òmgedreitj, noê huuër ins wie `t weitj
`t boêstj langs de more, ’t zal neet lang dore
Dan bin ich mien broên kleurke kwiêt

Swintjers is alles bevrore en doeëd
De vingers die tintj’le, de wange zeen roeëd
Wit is de waereldj en haart is de groondj
Mer de locht die ich aom is gezoontj
	Want as ’t wintjer weurtj, is alles wit gekleurtj
’t vruustj hei-op, wae aete ertesop
’t lievendj oppe draod, det hingtj dao stief en kaod
Dao’s niks te beginne, dus blieve wae binne
En stoke de haart nog get op

Ònbespote

op de melodie van 'An English country garden' van Jordan-Sharp



1)
Wae gaeve uch noê eine goje tip
Haotj  de mooshoof  ònbespote
Strautj gein vergif haotj die cente inne knip
Zoeë  blieftj  de  mooshoof  ònbespote
	Peule , erte , selderie , zeen mèt al dae troep neet blie
	Sproete  en  eunje  witlauf  en  poor
	Auch die hebbe det noeëj, dus weg mèt al dae knoeëj
	Haotj  de  mooshoof ònbespote

2)
Aerpel en slaaj , spinazie , sjorseneer
Kriege dèk ein kwaaj te slikke
Haje die mens ei bitje mieër verweer
Zoje ze det neet mieër pikke
	Zitte d’r get bieësjes op, keumtj de drek ei bitje op
	Goeëje wae gaer get troep d’r euver haer
	En det sjaatj de nateur, dus pleite wae d’r veur
	Haotj de mooshoof ònbespote

…………..Tùssespel………………….

3)
Spuit gein vergif want dae hebbe wae al zat
Haotj de mooshoof ònbespote
Want mèt de sjoefel kriegse auch dae drek waal plat
Haotj de mooshoof ònbespote
	Witmoos en sjelottekes, bloomkoeël en roeëj krottekes
	Zòlle d’r uch echt dankbaar veur zeen
	Want det spul inne groondj is veur neme neet gezoondj
	Haotj de mooshoof ònbespote

Ònbespote…………………

Dinj

op de melodie van 'Jooden daag' van Bläck Fööss



Goje nacht, goje nacht
Gae woordj fijn publiekske
En bedanktj veur de aandacht
Goje nacht, goje nacht
Danke veur't applaus
En seffe: goje nacht

Goje nacht, goje nacht
Wae goan seffes sloape
En de Zoatmaal hèltj de wacht
Goje nacht, goje nacht
Danke veur't applaus
En seffes: goje nacht!

Ketrien heet 'UM'

op de melodie van 'oh Katrien' van Black Fööss



Intro; ze hebbe UM weer, den UM den UM  den UM (2x)

In Wèssem woort dit joar gesjote
Gesjote veur ’t OLS
Waat heet hieël òs Rooj doa genote
’t woort doa ei knallendj sukses
En Neejwieërt en Rooj , die kaveldje doa tot ’t lèst
Det waas ’t waal waerd, den hemel op aerd
Want Ketrien die sjoot doa weer ’t bèst….

	Oh oh Ketrien, den UM is weer binne
	Hae is weer in Rooj
	Oh oh Ketrien gae wistj UM te winne
	Hae is weer in Rooj
	Dit goan wae noeëts mieër vergaete
	Zeker wete , zeker woar
	Ze haje UM weer en det proont noa twintjig joar

Òs zèstal Andree, Hen en Peter
Loek en Thijs die misdje doa neet
En wie Zjaak kwaam toen wis’se ; dae heter
Noê wacht neet zoeë lang, Zjaak noê sjeet
Dae leste paaf….bölke d’r aaf
Effe stil en toen borsdje ’t los
Ketrien haatj gedoan, gejuich en ein troan
Want den UM dae waas weer van òs

	Oh oh Ketrien , den UM is weer binne

Doa drei-jdje toen alles òm twintjig
Op baum twintjig, de twintjichste runj
De rest haaj gein kans, bitje zielig
Veural veur Neejwieërt waas ’t zunj
Kollosaal , neet normaal
Hallef Rooj waas in Wèssem bie-ein
En soaves alweer, waat ei plezeer
Waas Rooj weer komplieët oppe bein

	Oh oh Katrien, den UM is weer binne
	Want hiê in Rooj, steit den UM pas echt tegooj…..“good Catharina…..”

Optocht



't Begin van dit fieëst in 't Limburgse landj
Is d'n optocht dae trèktj door de stroat
De minse die stoan rieje dik langs de kantj 
En de sjöte die loupe inne moat
Eine boontje stoet kilomaeters lânk 
hèltj de minse gezellig bie-ein
Kiek die kleure huuër ins dae muziek 
doavan hèltj toch ederein

Tiralala tiralala tiralala tiralala 
Kiek die kleure huuër ins dae muziek, 
doavan hèltj toch ederein

De bördjesdrager dae luiptj ein stök vroet
Mèt de naam Sint Ketrien of Sint Job
De tamboermaeter waat stöktjer zich oet
Goeëtj de stek regelmoatig hoe op
Doa marcheertj 't korps mèt de tròmmelieërs
En de bloazers mèt keupermuziek
Waat ein sjoow weurdj hiê geprezenteerdj 
kiek wie sjoeën ine rie en geliêk

Tiralala.....Waat ein sjoow

't Keuningspaar det is vreiselik sjiek
En det treutj noê hieël plechtig veurbiê
De huuërst euveral 't applaus van't publiek
Kiek doa volgtj de hieël sjötterie
Alle sjötte loupe in rieje van veer
Oppe moat van ein marsmelodie
Mèt de handj hieël stevig aan't geweer 
en de kop get òmhoeëg en opzie

Tiralala.....Mèt ein handj...

De zòn sjientj zoeë haard 't is vreiselik heit
En de optocht dae doortj nog zoeë lang
Langs eder gezicht stroumtj of dröppeltj 't zweit
En de reem ònger't kin zitj zoeë strang
Dju wat doon die veut op 't lèst toch pien
Mer doa's neme dae doa euver klaagtj
Want de sjoeënste optocht dae d'r is 
maaktj dit fieëst eder joar weer geslaagdj

Tiralala.....Want de sjoeënste...

Baer den achteropsjöt



Fiertig jaor waas Baer al lid  van de dörper sjötterie
Hae haaj ei bitje last van spit mer leep nog veuraan inne rie
Sjoot al jaore achterop en misse dieë d’r noeet
Hae haaj allein mer inne kop , de keugel en ’t loeëd


BAER  WAAS ALTIÊD DAO EN ASTER SJOOT DAN SJOTER RAAK
NEMES ANGES SJOOT MÊT DET GEMAAK
BAER DAE STÒNG ZOEË ZEKER WIE ‘NE PAOL ÒNGER DE BAUM
DEN AOJE LIMBURGER WINNE………DET WAAS ZIENE DRAUM


Vrieët waat waas’ t werm dae daag . de zon die staak hei-op
Geine sjöt dae nog get zaag, de parapluukes ginge op
De bèste bleve euver en ze misdje geine kieër
Ze sjote tot  ‘t doonkel waas, toen zoge ze niks mieër

Refrein………………….

Zeve sjötterieje mòste kavele om de ieër
Baer dae dacht; astj noê neet löktj dan löktj t òs noeëts mieër
Ze kwome bie de lèste twieë , de viefdje man sjoot raak
En baer dae haaj  ‘t noê neet mieër, waas neet op zie gemaak

Refrein……………

De buks die woort gelaje ‘t woort stil ònger de baum
Baer dae zat zich sjrap en dacht al weer aan ziêne draum
Toen kraakdje eine sjeut en baer dae boog toen ziene kop
Want bove oppe raek dao stòng ’t bölke d’r nog op

Baer dae waas gebroke en hae vlugdje inne tent
En dacht toen wat bìn ich toch veur ‘ne vent
Oetgeraekendj ich sjeet mis waat heb ich toch gedaon
Mich teunktj det ich mer baeter bie ein kaart-klupke kan gaon

't Bölke



Ich staon hie bove op mien raek
En òm mich haer dao staon nog hieël völ anger staêk
Ich bin bölke zevetieën
En ònger mich dao steit nog ein dt is achtieën

Refrein;
Vandaag geit ’t gebeure , vandaag geit ’t d’r op
Straks dan vlege mich de keugel
Links en rechs langs miêne kop

Ich kiêk òmhoeëg en auch opzie
En ònger inne wei dao zeen ich meinig sjötterie
Waat is ’t drök, waat eine sfeer
En stillaan laje alle buksemeisters ’t geweêr

Pom pom pom

Mien zwart pak det steit mich sjiek
Ich krieg auch steeds mieër aandacht van ein fijn publiek
‘ch zit good vast aan miêne stek
Dus det gefluit van keugel maaktj mich neet drek gek

Refrein

En miene vreêndj vlak bove mich dae zeet;
 ich veul mich niks tegooj zèk wie is det mèt dich
mer drek d’r nao dan huuër ich eine paaf
mèt eine klets geit nummer zèstieën van zien stekske aaf

pom pom pom

noê weurtj toch de spanning groeët
en oppernoe weurtj ’t geweer gevöltj mèt loeëd
‘ch niêp mien auge half toe
En ich veul good det ich ’t zaakje neet mieër troe

Noê geit ’t gebeure, noê geit ’t d’r op
Raaktj mich drek dae kogel
Of vluugtjer vlak langs miene kop

En ederein kiektj noê nao mich
Det wirktj lieëlik oppe zenuwe det zèk ich dich
Dan eine sjeût…..hae zoeftj veurbiê
En ònger bie de paol dao beùktj noê hieël de sjötterie

Pom pom pom…………….

Den oaje Limburger winne



Ein twieë drie, vrieët wat wore ze blie
Oos Ketrien sjötterie
Oos eige Rojer sjötterie , lalala
Ein twieë drie, vrieët wat wore ze blie
Oos Ketrien sjötterie
Want bie de allerlèste sjeut van Zjaak
Waas ’t ein bekeke zaak
Hieël de sjötterie woort stapelgek
En ze vele Zjaakske òmme nek
Dikke traone van gelök,
Sjouwerkloppe oppe rök
Sjrake vanne Ven kreeg ein beslaag
Hieëremins zèk waat eine daag

Twieë drie veer, en toen straumdje ’t beer
Want ze haje hum weer
Ze koste heur gelök neet op, lalala
Twieë drie veer, en toen stroumdje ’t beer
Want ze haje hum weer
En toen de bös heur saoves heivers bracht
Stòng dao half Rooj op wacht
auch de brandjwaer waas petiêd paraat
spoot de bös mèt dikke straole naat
Heier sjötte stònge klaor
’t veel heur waal ei bitje zwaor
Mer saoves bie van Loon waastj eine klot
Deze daag kòst neet mieër kepot

-tössespel-

Heier sjötte stònge klaor
’t veel heur waal ei bitje zwaor
En saoves bie van Loon waastj eine klot
Deze daag kòst neet mieër kepot

Drie veer viêf, noê ’t volgendj bedriêf
Want ’t heet get òm’t liêf
Dao bèsse zoeëmer neet mèt klaor, lalala
Drie veer viêf, noê ’t volgendj bedriêf
Want ’t heet get òm’t liêf
Ein ker vôl bölkes òngevieër zoeë groeët
Personieël det reut’se noeët
viefendertig sjeetbuim op en rie
Twintjig doezendj mân woeë lieët’se die 
Zeetj geröstj det keumtj tegooj
Want wae woeëne hiê in Rooj
En ’t is al jaore lang ei feit 
Det biê os in Rooj, hiê biê os in Rooj
Hiê biê os in Rooj alles geit 

De wei



Is de optocht gedaon weurtjer òntbònje
In de wei weurtjer dan verteer gevònje
Tamboer maeters, bielemanne âl doorein
Inne wei ’t echte sjötters-terrein
Ze mòtte tròmme en auch eksersere
Keuningspare gaon zich presentere
De sjötte keurig in ’t uniform pak
Want ein aantal det mòt nog ane bak

Refrein;
Ister sjöttefieëst dan gaon wae nao de wei
Gaon wae nao de wei
Ister sjöttersfieëst zeen wae altiêd d’r biê
Laeve de sjötterie

Bie de ieërste buim begintj ’t sjete
En de huuërst völ komando’s en krete
Bie ’t vendele dao zeen d’r auch al klaor
De zjurie heet ’t weer vreiselik zwaor
Hiê en dao weurtjer auch al aafgedrope
De ieërste bösse die waere òm gerope
Knuip die gaon al los van’t uniform pak
Mer dao mòtte d’r auch nog ane bak

Refrein

Ane sjeetbuim dao geitj òm milimaeters
Inne aettent dao kome steeds mieër aeters
Door ’t nuttige van âl die glaeskes drank
Weurtj ’t almer drökker bie de plank
En de volgendje bös klinktj oete spiekers
Dao weurtj noê auch bekintj wievöl kiekers
Almer minder uniform weurtj ’t pak
Want dao hove d’r neet völ mieër ane bak

Refrein

Op ’t inj duit de beertent gooj zake
Ederein wiltj de bònne op gaon m ake
En de winnaar bie ’t sjete is bekindj
Zoeë detj noê inne tent echt begintj
Det weurtj fieëste tot in de late ore
Veur de echte kantj neet lang genògt gaon dore
Al hieël lang hooftj geine sjöt mieër ane bak
Bienao geine luiptj nog netjes in ziê pak

Refrein

Sjötte Sjräöm



Ei joonk sjötje sjoot veur de allerieërste kieër
Stòng  ònger de baum en hae haaj ’t neet mieër
Toen kraakdje twieë sjeut hae veel knap oet zien sjoon
En toen ister mer snel ein zuver bòks aan gaon doon

Refrei;
Jao de sjötte zuse laupe en masjere mèt gewere
Zuse mikke en dan sjete paaf de vogel aaf
En de sjötte gaon dan pötte tot snachs om kwart veur drie
Laeve de sjötterie

Eine sjöt dae normaal hieël good mikke kost
Dae riejerdje wie pudding wie d’r sjete most
Hae sjoot toen twieë doeve en ein vette fazant
Mer aan bölke waas weinig te zeen nommenandj

Jao de sjötte zuse laupe……………….

Eine sjöt dae ich kin en dae ` drinke neet leet
Dae haaj gaer ein maegdje mer `t lukdje mer neet
En water auch dieë hae kreeg gein vroumes mèt
En dus pakdje d’r snachs mer zien geweer mèt nao bèd

Jao de sjötte zuse laupe en………………..

Eine aojere sjöt dae sjoot neet mieër good
Sjoot alles d’r naeve hae verloor de mood
Toen kochter ein knon en hae mikdje zoeë good
Detter de raek met de bölkes vanne sjeetbaum aaf sjoot

Jao de sjötte zuse laupe en………………….

Zoee kan ’t dus gaon bie de sjötterie
Mer asse mòtte sjete zeen ze van de pertie
Dan gaeve ze alles want ’t is ein hieël ieër
Den Oaje Limburger winne duise mer eine kieër

Jao de sjötte zuse laupe……………….laeve de sjutterie….

Raaktj UM tegooi in Rooj



Nao maondje werk is’t weer zoeë wiêt
Is ’t veur ’t OLS weer tiêd
Veur ’t sjöttersterrein woeë detj òm dreitj
Zeen d’r hectare groondj ingezeitj
Kilomaeters buize ligge dao al lang
Al waeke zeen ze ane gang
Laot mer kome wae zeen d’r hieël veur klaor
Jao veur de sjoeënste daag van’t jaor

Refrein:
Kòmtj allemaol weer nao ’t OLS
Raaktj UM tegooj in Rooj
Det weurtj gegarandeertj ein sukses
Raaktj UM tegooj in Rooj
Dae sfeer die spanning en dae romantiek
Det eder OLS steeds booj
Belaeftj ’t oppernoe want det weurtj uniek
Raaktj UM tegooj in Rooj
Lalalala lalalala...

De straote gevaegdj de stoepe recht gelagdj
Hieël sjoeën dinger zeen d’r oetbedachtj
Alle heufkes geraektj, alles sjoeën verseerdj
Veur as den optocht langs paradeertj
De zòn die bove ane hemel steit
Duit lekker mèt as of ze ’t weit
’t stumtj ederein weer vreislik blie
Des neet te misse , komtjer biê

Refrein

’t maaktj neet oet ein klein of groeëte sjötterie
Ze speule eder heur pertie
Auch oet Belsj dao misse wae d’r gein
’t is weer eine òngerein
Daobiê massaal geweldjig sjoeën publiek
’t is zeker det weurtj sjiek
Òm den UM dao geit ’t noê weer òm
Dao mòdjer biê zeen, Limburg kòm

Refrein

Belaeftj ’t oppernoe, want det weurtj uniek
Raaktj UM tegooj in Rooj
Belaeftj ’t oppernoe, want det weurtj uniek
Raaktj UM tegooj in Rooj
Lalalala lalalala...

De mooshoof huuërtj bie paad



wie de striêk pèstj bie ’t iezer en ’t keuper pèstj bie poets
zoeë huuërtj de klok weer bie de wiezer en bie acht oor huuërtj ’t noets
wie de sop huuërtj bie de kete,l huuërtj de tore bie de haan
en wie de brandj huuërtj bie de netel, huuërtj de tap weer bie de kraan
bie de knien huuëre de keutels, bie de hieëring huuërtj ein tent
auto’s zeen niks sònger sleutels en op ein troefel mòt cement
inne sjoon mòt eine nistel, bie de frika huuërtj ein del
bie pestoeër huuërtj ein epistel en bie Tungelder de wel
oh yeah baby, alleloeja I luf joe so

bie de kaeper huuëre negel, bie de bekker huuërtj de mik
bie de post huuërtj eine zegel, bie de geitebòk de sik
bie de appel huuëre kitse en de tille huuërtj bie foon
bie de bòks huuëre de litse en bie Pietje huuërtj van Loon
mösse mòtte in ein kuuëtje en versjètte inne laaj
bie `t verke huuërtj ein puuëtje en bie proeme ein stök vlaaj
bie `t zaot huuëre de maale, bie ’t humme huuërtj de slup
bie de eier huuëre sjale en bie Leike huuërtj de Tup
oh yeah baby, alleloeja I luf joe so

wie de haan huuërtj bie de hinne en de Waal weer huuërtj bie Huub
huuërtj ’t vrieje dèk bie minne en bie slappe huuërtj de tuup
wie de klok huuërtj bie de klepel, huuërtj ’t mest bie eine boor
en wie steeltje huuërt bie repel, huuërtj de wintjer bie de poor
bie de koe huuërtj eine flater, bie de taofel mòtte steul
bie de broene huuërt ‘ne pater en bie erte huuërtj de peul
bie de mik huuëre de sneetjes, bie de brouwerie ’t vaat
bie refreine huuëre leedjes, bie de mooshoof huuërtj de paad
oh yeah baby, alleloeja I luf joe so
oh yeah babe, bie de mooshoof huuërtj de paad
oh yeah baby, bie de mooshoof huuërtj de paad, pahoeoeoe

Tungeldersewel



Tungelderse Wel soevenier van hieël vreuger
Inkel al 't woord is as beer oppe tòng
Tungelderse Wel doa bin ich vùl gekome
Woeë indertiêd 't Ambonezekamp nog stòng
Doezendj kieër gign ich dae berg doa op en aaf
En steds weer mèt dien moel inne zandj knòts paaf
En steeds zootse midde in dae mierehaup
En dan jeukdjese dich weer waeke 
En mam die zagt dan dien eige sjoût

Euveral in oos Limburgs lendje Van Mestreecht tot de Mokerhei
Heet eder stad en eder dùrpke Zien eige bosse en eige hei
Ein van de sjoeënste van al dees bosse  Det is zeker de Tungelder Wel
Mèt dien vrinj kòsse doa goan kuite
Waat ging zoeëne vrieje middig toen vrieët snel

Tungelderse Wel.....

Van de mam kreegse limmenaat mèt En de bot'ramme inne gezèt
Woeëtse den lekker get goan aete
Kieës mèt zandj det vèltj hieël neet mèt
Dan weer lekker wiejer kuite  Op dae berg doa inne zòn
Mosdje'se neeste dan haatse ein dikke kuûk mèt zandj
Waat stòng det toch stòm.

Tungelderse Wel.....

Waat in die Wel doa oeët gebeurdj is Det veultj gae zeker allemoal
Jòng en maegdjes die ginge doa speule  Det is knap nog ein hieël verhoal
Mer ein dink det is hieël zeker Rooj en Tungelder det waas dèk ein
Wievùl femilies doa zeen òntstange 
Det weit knap nemes mer toch waastj fijn

Tungeldersewel…………………………..

Blome



Die van mich is eine kater --  en det is gein reklaam
Mer völ gaeve heur vrouke -- eine sjoeëne blomenaam
Eine sjoeëne blomenaam 

Sòmmige slijme tege ’t maegdje -- miên ruuëske det weurtj fataal
Want die zeen echt gevoarlik -- die staeke abnormaal
Die staeke abnormaal 

Neumtjer eme zien vrouw eine kaktus  -- dan heet ze hoar oppe teinj
Mer istj eine hertshoorn -- dan heet ze groeëte heinj
Dan heet ze groeëte heinj

Zeter eme miên afrikaantje -- istj zeker ein doonker tiep
En ein verslakkertj bleumke -- det is neet mieër zoeë piep
Neet mieër zoeë piep joônk

(A capella)  Dich bèst miene sanseveria -- dan isse groeët en flink
               Of zeter miên vètpleintje dan istj ein vèttig dink
               Dan istj ein vèttig dink

Noê dinktj gae allemoal zeker -- Die men zeen neet good wiês
Mer gae kriegtj de moraal noê -- van oos blomeparadiês
Van oos blomeparadiês

Die van òs dao is gein kwaod aan -- gein tulp of foeksia
Veur os bluutj in os huuske -- ein hieël leef dalia
Ein hieël leef dalia

(a capella) Gaef eur bloom petiêd get water -- get leefdje en gelök
       Dan kriegtj gae zeker ouch ins -- ein hieël klein sjeutje trök
       Ein hieël klein sjeutje trök

't Groeëte niêsersleed



Wan de mins ei bitje laat is………  …niesj dao neet om
Wan eur pap ei bitje zaat is……… …niesj dao neet om
Wan de mins get laat en zaat is……..niesj dao neet om
Ich wil neet dedjer dao dan om niêsjt

Refrein
Maak van ‘ne sjeet geine donderslaag donderslaag donderslaag
Gae kontj   -  neet  -  stil blieve staon
Al det niese det is niks gedaon

Wan de hoondj uch inne bein bitj………niesj dao neet om
Wan de kat flink op’t tapijt sjitj………….niesj dao neet om
Wan de kat sjitj en de hoondj bitj………niesj dao neet om
Ich wil neet dedjer dao dan om niesj

Refrein…………….

Wan de zoon uch d’oeere vanne kop itj……niesj dao neet om
Wan eur dochter ’t series briktj……………..niesj dao neet om
Wan ein bie uch inne lup stiktj………………niesj dao neet om
Ich wil neet dedjer dao dan om niesj

Refrein…………

Wan eur raekening get groeet is………..niesj dao neet om
Wan ei vroumes get te bloeet is………...niesj dao neet om
Wan eur vètste verreke doeed is……….niesj dao neet om
Ich wil neet dedjer dao dan om niesj

Refrein……………………..

Wan ’t beer hie get te zoor is……………niesj dao neet om
Wan de raekel eine moor is…………….niesj dao neet
Wan eure asperzjes poor is…………….niesj dao neet om
Ich wil neet dedjer dao dan om niesj

Refrein…………..
Maak van eine sjeet geine donderslaag donderslaag donderslaag
Donderslaag donderslaag donderslaag don-der-slaag

Waat eine nacht



Ich kiek oppe wèkker, tis al half drie
Ich drei mich weer òm op ein anger zie
Ich kòm neet òm slaop, nog gein aug toegedaon
En ich bin al twelf kieër nao de WC motte gaon
Naeve mien bèd is d’n ummer nog leeg
Mer ’t ròmmeltj inne boek, dao is van alles oppeeg
Miene kop dae roonktj, hae hamertj en boonktj
Dit is zoeë’ne nacht, dae geit mich bove mien macht

Tis eine nacht dae ‘se normaal neet gauw in films zuust
Zoeë eine nacht de is nog zwaorder dan ’t zwaorste kruus
Tis eine nacht woeëvan ich dacht det ich hum noeëts belaeve zooj
Mer tizzenacht belaef ich hum en…. tegooj , hohohohooj

Dan steit oppins ein van die jong aan mien bèd
Dae klaagtj van pien aan d’oeëre, zit ich dao auch nog mèt
Ich doon weer de lamp aan en ich hof mich d’r oet
Ich val euver d’n ummer en ich lik op mien snoêt
Mer nondedjuu dao geit noê echt alles fout
Ich stroompel nao de kraan mèt eine kop wie van hout
Dit is zoeë’ne nacht, dae allein mer ozel bracht

Tis eine nacht………………..

Ein half oor later kroep ich eindlik weer drin
Tis kwart op veer gewore, ich bin ram ane pin
Ich doezell bitje wèg mer dan oppins zeet mien vrouw
Ich gluif det ich get huuër dao ònger, kiêk dich ins gouw
De wèkker luiptj aaf, ich bin gein kwartje mieër waerd
Mer de baas dae reuptj, ich mòt nao mien werk
dit waas eine nacht, dae kòsdje vreiselik völ kracht

oos alle daagse nachte zeen sòms waal ein gevecht
en eine nacht wie deze, is laeves echt

tis eine nacht……………….

Mer tizzenacht belaef ich hum en…. tegooj , hohohohooj
Mer tizzenacht belaef ich hum in Rooj

't Dörp



Thoês heb ich nog ein hieël oaj kaart die heb ich altiêd good bewaardj
't Is ein foto van oad Rooj
Doa kònse zeen wietj vreuger waas mèt hieël völ groondj en nog völ graas 
en ederein haaj erremooj
De weeg die wore toen bar slecht en geine eine dae waas recht
Of zaat vôl koele en vôl gater
Eine mèsthoup zoogse euveral en twieë drie koekes oppe stal
En oete pöt haaldje men water

En in de mooshoof van mien vader
Doa stòng roeëdmoos en poôr en slaaj
Ich waas nog joonk, ich kost neet wete
Det ich zoeëget later neet mieër haaj

't Paerdje trocht ein depe voôr doa-achter sjoudje Kuulkes Door
De mieëwe pikdje noa de pirke
Eine reek mèt aafgeslete teinj en 't gezwael dik oppe heinj
Wat moste ze toen vrieët haard wirke
Mer weem weurdj op vandaag nog boôr, weem hètj alwiel nog Pier of Door
Weem heet nog kuuj weem heet nog hinne
Det zeen d'r nog ein stök of veer, Frits vanne Port , Levere Neer
Doa wiltj gein mins mieër aan beginne

En in............

't Huuske van Helmonders Graad en in 't dörp 't patronaat
Ze zeen d'r noê al lang neet mieër
De boorderie van berbe Zjeng is al ein poeës noa de rengteng
En ouch det dink van Väöskes Pier
En 't bedriêf van Teune smeêd det liktj al joare op zien reêt
Doa woeëne noê modern minse
Mèt achter 't hoês nog get gezòn, doa ligge ze somers inne zòn
En hebbe sjienbaar niks te winse

En in 't heufke bie mien eige
Steit gein roeëdmoos of poôr of slaaj
Doa steit noê hei mer ich zooj waal wille
Det ich eine groeëte mooshoof haaj

Miene bèste vreendj



Deze rink aan miene vinger
Zeet mich mieër, mieër dan doezendj weurd
Tis völ mieër dan goud of zilver
Want dich bèst veur mich allein

	Dich bèst steun as ich wankel
	Dich bèst mood bie alle tegeslaâg
	Dich bèst röst in miên hoastig laeve
	Mer bovenal, miene bèste vreêndj

Sònger dich bin ich nemes
Dich bèst alles waat ich nuuëdig heb
Ich hoof noê neet mieër te zeuke
Ich vònj dich en baeter kos 't neet

Dich bèst.........

Stoppe mèt rauke



Ich roukdje al zoeën twintjig joar
En ich heb hieël wat wèggebloaze, völ wèggebloaze
De ieërste drek al smörges vreug
En de lèste veur 't sloape, veur ich ging sloape
Dae reuk dae smaak dae nikotien
Ich kosse gein van drieje misse, kosse neet misse

Mer de lèste tiêd begost ich waal
Get dèkker zwoar te kòffe, braaf zwoar te kòffe
De bloodrök ging steeds mieër òmhoeëg
En de oam woord almer minder, dudelik minder

En wie ich bie de dokter kwaam
Wist ich noê bin ich gekloeëtj
En ich heb mèt pien en mote toen
Miene sjekbuul wèggegoeëtj

Noê biêt ich al mien negel aaf
En begin steeds mieër te snuike, steeds mieër te snuike
Slik anti nikotinia
En ich plek euveral pleisters, euveral pleisters
Dae reuk smaak dae nikotien, 
Ich kan ze nog almer neet misse, kan ze neet misse

Ich weit neet woeëtj ich zeuke mòt
Hieël mien liêf steit stiêf vanne stress
En noê keumtj veur 't ieërst mien dochter thoês
Mèt eine sjekbuul oppe tes

Lalalalalala

De anti roeëdmoos-song



Ich löst knap van alles mer ich löst gein roeëdmoos
Gaef mich mer ein stök keboêt mèt eunjesaus
Eine hieëring mèt sòkker of ein stök moeevlaaj
Ich woeëj det ich edere daag zoeën stökske haaj
Gaef mich 'ne hanebout of ein hinnekoontj
Mer in godsnaam gein roeëdmoos, des neet gezoondj

Moder kiek ich vònj oppe zolder
Eine sjoeëne stroonk roemoos
Is dae nog van veur de oorlog 
Stòng dae toen neet ope groos
Jòng doa bin ich vreiselik blie mèt
'ch Waas dae stroonk al joare kwiêt
'ch Zal hum dich ins gauw goan koke
doavan kriese geine spiêt

Ich preufdje mèt lang teinj van 't moos eine hap
Ich woord toen van bove deûl en van ònger slap
Ich zakdje wie 'ne kook door mien twieë bein
En sinds dae tiêd zing ich steeds dit refrein

Ich löst knap.....

'ch Heb ouch nog ein poeës ein meid gatj
Mer det waas hieël niks gedoan
Ich zal uch hiê ins gauw vertèlle
Wòrròm ich die heb loate stoan
't Waas ein waeske veur de broeleft
Wae loge same oppe groos
En opins zagt Mientje: Sjarel
Soaves oppe broeleft aete wae roeëdmoos

Ich löst knap.....

Jeugdherinneringe



Doa zeen nog völ herinneringe aan de jeugd die ich heb gatj
Ich wil ze gaer ins veur uch zinge, 'cheb ze op muziek gezatj
As ich trök dink aan die dinger, as ich trök dink aan dae tiêd
Weit ich, dees herinneringe woeëj ich veur gein geldj mieër kwiêt

	Ich ging zoeë gaer nog effe trök
	Noa toen ich joonk waas, nog mer ein wècht waas
	Ich ging zoeë gaer nog effe trök
	Doa waas plezeer toen en doa hòng get van gelök

Ore lânk koste wae speule in ein bos of in ein koel
Euveral mòsse aan veule en dèk veelse op dien moel
Wae zote euvera; aan en tösse, kaldje groeëte minsekal
Van de eier vanne mösse maakdje wae 'ne sjoeëne krâl

Ich ging...........

Bie Heers Harie ane kese want die wore lekker zeut
Bie Lewiêze ane pese en bie Dreiers ane neût
En de appel van Verstege wore greun en völ te zoôr
Asse dich te pakke krege kreegse òngelökig sjoôr

Ich ging...........

As oos opa ging vertèlle zote wae mèt ope moel
twaas zoeë laevendj veur te stèlle aster't haaj euver de groel
Euver 't menke in 't kore det haaj heur op ziene kop
As det kwaam woorse verlore want det aât dich laevendj op
Ich ging...........

Dich allein



Vrouke blief tot aan miên inj
Veur altiêd bie mich
Want ich gluif neet det ich oeët
Nog eme vinj wie dich

Veul mich good bie dich
Daag en nacht dink ich allein aan dich
Draag dich altiêd in miên hert
Det duistich ouch mèt mich

Same door 't laeve goan 
Det waas oze wins
Geniete lache en plezeer
Zoeëvöl asse kinst

Veul mich......

Oos laeve woord komplieët
Mèt get joônk gelök
En hieël völ later dinke wae
Doa gaer nog ins aan trök

Veul mich......

Same kònne wae alles aan
Zörg groeët of klein
Same waere wae dan oad
Zeen tot oos inj bie-ein
Veul mich......

Vriejersleid



Kòmtj aojers paktj uch same en loestertj hie ins nao
Wat wae uch gaon verklaore steit uch allemaol nao
Die jeugd van uch haotj die ins bie, 
zeen die neet allemaol völ te vriê
noê lètj dao toch ins op
det lektj zich, bitj zich, kusj nog’ne kieër
en wae staon dao lachendj biê,  hahahahahahahaha

gaotj saoterdes mens kiêke aan ’t gemeinsjapshoês
gae kòntjer uch verriêke mèt vrie-stòf veur aan’t thoês
dae steit eur Jan, eur Piêr , eur Baer
ze hebben’t allemaol aeve gaer
noê lètj dao toch ins op 
det lektj zich bitj zich kusj nog ‘ne kieër
en wae staon dao lachendj biê, hahahahahahahaha

waat mòt dao toch van kome as det zoeë wiejer geit
die jeugd die maaktj dan foute en gae zitj mèt ’t leid
dan mòt eur jasn, eur Piêr, eur Baer
mèt ’t maegdje nao ’t altaor haer
mèt lekke, biête , kusse en mieër
kloeëtj de jeugd uch toch ‘ne kieër, hahahahahahahaha

noê zòltj gae uch waal vraoge wat gae dao aan kòntj doon
wae zòlle uch vertèlle wietj mòt mèt eure zoon
stuertj gae eur Jan, eur Piêr, eur Baer
as den duvel nao ’t kloeëster haer
wèg is dan ’t vriejersleid
want lekke, biête kusse en mieër
kan as pater toch neet mieër, ……..amen

Tegeslaag



Doa zeen van die daag , dan zitj alles mich tege
Dan heet mich ’t noeëdlot te pakke gekrege
Begintj smurges vreug al, ich lik nog in bèd
Ich vertroew op miene wèkker mer dae wirktj neet mèt

Ich heb mich versloape , spring snel oete vaere
Dan snie ich mich flink in mie kin bie ’t sjaere
Dan doon ich mien sjoon aan, mer det mòt vùl te flot
En dan trèk ich potverdomme miene nistel kepot

Daag daag , sjaemele daag , daag daag vol tegeslaag
Daag daag , sjaemele daag , daag daag vol tegeslaag


Petiêd op mie werrik , det kan ich vergaete
Is auch nog de mik op dus ich heb niks te aete
Ich stap op mien fietske, bèn d’r knap hieël vanaaf
Hakkernon zèk doa luiptj mich de kètting d’r vanaaf

De baas dae is lestig , hae goeëtj mèt verwiête
Ich zeen detter zich lieëlik op steit te riête
Hae zeet det ich zoeë get neet mieër hoof te lappe
Det ich anges de volgendje kieër op kan stappe



Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag


Ich koom soaves thoes naat bezwètj en gebroke
Mien vrouw heet gein zin gatj òm aete te koke
Ich fiets noa de friet-tent en sjik oppernoe
Want doa hingtj mich toch ei bördje , 
vandaag zeen wae toe !!!

Ich wil vreug noa bèd, ich heb pien aan mien kneuk
Oppins geit de bel ich dink ; och God doa’s bezeuk
Ich bèn al zoeë meug , ich zooj vriët gaer goan pitte
Tis mie sjoeënmooder die blieftj tot hallef ein zitte

Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag

Daag daag sjaemele daag , daag daag vol tegeslaag
Daag daag sjaemele daag . daag daag vol tegeslaag

De wei



Is de optocht gedaon weurtjer òntbònje
In de wei weurtjer dan verteer gevònje
Tamboer maeters, bielemanne âl doorein
Inne wie ’t echte sjötters-terrein
Ze mòtte tròmme en auch eksersere
Keuningspare gaon zich presentere
De sjötte keurig in ’t uniform pak
Want ein aantal det mòt nog ane bak

Refrein;
Ister sjöttefieëst dan gaon wae nao de wei
Gaon wae nao de wei
Ister sjöttersfieëst zeen wae altiêd d’r bie
Laeve de sjötterie

Bie de ieërste buim begintj ’t sjete
En de huuërst völ komando’s en krete
Bie ’t vendele dao zeen d’r auch al klaor
De zjurie heet ’t weer vreiselik zwaor
Hiê en dao weurtjer auch al aafgedrope
De ieërste bösse die waere aafgerope
Knuip die gaon al los van’t uniform pak
Mer dao mòtte d’r auch nog ane bak

Refrein

Ane sjeetbuim dao geitj òm milimaeters
Inne aettent dao kome steeds mieër aeters
Door ’t nuttige van âl die glaeskes drank
Weurtj ’t almer drökker bie de plank
En de volgendje bös klinktj oete spiekers
Dao weurtj noê auch bekintj wievöl kiekers
Almer minder uniform weurtj ’t pak
Want dao hove d’r neet völ mieër ane bak

Refrein

Op ’t inj duit de beertent gooj zake
Ederein wiltj de bònne op gaon m ake
En de winnaar bie ’t sjete is bekindj
Zoeë detj noê inne tent echt begintj
Det weurtj fieëste tot in de late ore
Veur de echte kantj neet lang genògt gaon dore
Al hieël lang hooftj geine sjöt mieër ane bak
Bienao geine luiptj nog netjes in ziê pak

refrein

Bear den achteropsjùt



Fiertig jaor waas Baer al lid  van de dörper sjötterie
Hae haaj ei bitje last van spit mer leep nog veuraan inne’rie
Sjoot al jaore achterop en misse diee d’r noeet
Hae haaj allein mer inne kop , de keugel en ’t loeed


BAER  WAAS ALTIED DAO EN ASTER SJOOT DAN SJOTER RAAK
NEMES ANGES SJOOT MET DET GEMAAK
BAER DAE STONG ZOEE ZEKER WIE ‘NE PAOL ONGER DE BAUM
DEN AOJE LIMBURGER WINNE………DET WAAS ZIENE DRAUM


Vrieet waat waas’ t werm dae daag . de zon die staak hei-op
Geine sjöt dae nog get zaag, de parapluukes ginge op
De beste bleve euver en ze misdje geine kieer
Ze sjote tot  ‘t doonkel waas, toen zoge ze niks mieer

Refrein………………….

Zeve sjötterieje moste kavele om de ieer
Baer dae dacht; astj noe neet löktj dan löktj t os noeets mieer
Ze kwome bie de leste twiee , de viefdje man sjoot raak
En baer dae haaj  ‘t toen neet mieer, waas neet op zie gemaak

Refrein……………

De buks die woort gelaje ‘t woort stil onger de baum
Baer dae zat zich sjrap en dacht al weer aan ziene draum
Toen kraakdje eine sjeut en baer dae boog toen ziene kop
Want bove oppe raek dao stong ’t bölke d’r nog op

Baer dae waas gebroke en hae vlugdje inne tent
En dacht toen wat bin ich toch veur ‘ne vent
Oetgeraekendj ich sjeet mis waat heb ich toch gedaon
Mich teunktj det ich mer baeter bie ein kaart-klupke kan gaon

Ònbespote



1)
Wae gaeve uch noê eine goje tip
Haotj  de mooshoof  ònbespote
Strautj gein vergif haotj die cente inne knip
Zoeë  blieftj  de  mooshoof  ònbespote
	Peule , erte , selderie , zeen mèt al dae troep neet blie
	Sproete  en  eunje  witlauf  en  poor
	Auch die hebbe det noeëj, dus weg mèt al dae knoeëj
	Haotj  de  mooshoof ònbespote

2)
Aerpel en slaaj , spinazie , sjorseneer
Kriege dèk ein kwaaj te slikke
Haje die mens ei bitje mieër verweer
Zoje ze det neet mieër pikke
	Zitte d’r get bieësjes op, keumtj de drek ei bitje op
	Goeëje wae gaer get troep d’r euver haer
	En det sjaatj de nateur, dus pleite wae d’r veur
	Haotj de mooshoof ònbespote

…………..Tùssespel………………….

3)
Spuit gein vergif want dae hebbe wae al zat
Haotj de mooshoof ònbespote
Want mèt de sjoefel kriegse auch dae drek waal plat
Haotj de mooshoof ònbespote
	Witmoos en sjelottekes, bloomkoeël en roeëj krottekes
	Zòlle d’r uch echt dankbaar veur zeen
	Want det spul inne groondj is veur neme neet gezoondj
	Haotj de mooshoof ònbespote

Ònbespote…………………

Dinj



Goje nacht, goje nacht
Gae woordj fijn publiekske
En bedanktj veur de aandacht
Goje nacht, goje nacht
Danke veur't applaus
En seffe: goje nacht

Goje nacht, goje nacht
Wae goan seffes sloape
En de Zoatmaal hèltj de wacht
Goje nacht, goje nacht
Danke veur't applaus
En seffes: goje nacht!

Boeëne drek; Baggetiêd



de hebst d’r maondje lang nao oetgekeke
de bagge vanne zoog kwome mer neet
traog en langsem krope langs de waeke
mer eindelik dao kwaam de ieërste weej
wae vloge allemaol nao de stal
van verre huuërdje wae ’t al
’t sjerpe hoeëge kweke van ein bag
Wae dachte ha dao zeen ze dan
Wae tèldje d’r waal dertig van
Dao kriegtjer auch pestoeër zeker ein van

‘t is weer veurbie dae lange draagtiêd
Dae draagtiêd dae begòst zoeëwat in ‘pril
De dachst detter gein inj mieër aan zooj kome
Mer veur’sé’t wèts is zoeë’n bevalling al weer lang veurbie

En noê ist leid veurluipig weer geleje
De bagge zeen gegruutj wie kuuël of hop
Dan haat’se ins in juli mòtte kome
Wat haje die toen eine kleine kop
Ze loge lekker bie heur mam
Die vertèldje heur d’r alles van
Wie’se later ein good verreke most zeen
De zoog heet ze sjoeën groeët gebrachtj
det haaj de vieë-arts neet verwachtj
want dertig bagge, minse des ein vracht

tis weer veurbie………………..

de bagge zeen noê hieël get mans gewore
en ligge inne mauw op heure rök
asj rèngeldj inne sliêk lekker get  moddere
want det is pas echt verrekes gelök
ze draume van ein kermenaaj
zoeë groeët en mals wie mam die haaj
van herste mèt ein lekker rendje vet
mer’t blieftj neet altiêd roeëzegeur
oppins staon ze d’r zelf veur
en drage op heur beurt weer bagge mèt

dan keumtjer weer dae lange draagtièd
dae draagtiêd dae begintj zoeëwat in ‘pril
de meins detter gein inj mieër aan zal kome
mer veur’se ‘’t wèts 
is zoeë’ne draagtiêd toch weer snel veurbie

Wae Wille Get Zinge

op de melodie van 'Wij komen tezamen'



Wae wille get zinge
Ein klein ode bringe
Aan’t keendj det gebore is
In Bethlehem
In deze Kerstnacht
Zal Hae vrede bringe

Daoròm wille wae zinge
Ein hieël klein ode bringe
Veur’t Jezus kientje zinge
’t Is  Kersmis

Oh moge wae winse
Det veur alle minse
De waereldj get baeter weurtj
Door deze nacht
’t keentj is gebore
God is mins gewore

Daoròm wille wae zinge
Ein hieël klein ode bringe
Veur’t Jezus kientje zinge
’t Is Kersmis

't Gebeurdje In Bethlehem

op de melodie van 'Mary's boychild' van Hairston



Lang geleje in Bethlehem, zoeë is altiêd gezagtj
’t keintje Jezus det woort toen, gebore inne Kerstnacht

Loestertj nao ’t ingelekoeër , det zingt jein hemelsleed
Òmdet de waereldj deze nacht, eine redder gekrege heet

Maria en Jozef wore toen, op weeg nao Bethlehem haer
Dao waas nörges plaats veur heur en ’t waas vrieët slecht waer
De herders loge in ’t veld en hele dao de wacht
Ze huuërdje toen ’t ingelekoeër det heur ein boeëtsjap bracht

Loestertj nao ’t ingelekoeër, det zingtj ein hemels leed
Òmdet de waereldj deze nacht, eine redder gekrege heet
Hoorn gesjal en ingele zang, de boeëdsjap weurtj gebracht
Dit keentj det keumtj veur ederein, in deze heilige nacht

Jezus zaag ’t laevesleecht in eine aoje stal,
En ederein verwachtj det Hae, òs redding bringe zal

Loestertj nao ’t ingelekoeër, det zingtj ein hemels leed
Òmdet de waereldj deze nacht, eine redder gekrege heet
Hoorn gesjal en ingele zang, de boeëdsjap weurtj gebracht
Dit keentj det keumtj veur ederein, in deze heilige nacht

't Leit Vanne Kerstbaum

op de melodie van 'De ouderwetse winter' van A. Kraamer



Ein klein zäödje weurtj gepootj hieël völ jaore van te veur
En astj effekes wiltj lökke weurtj ’t groeëter en kriegtj kleur
Hae mòt aafzeen en mòt vechte tege rèngel tege weêndj
’t Is werkelik te hope det hae alles euverwintj

Refrein
Zoeë is ’t laeve van de Kerstbaum
En dao dinkse neet bie nao
Mer mèt Kersmis ’t is werklik
Ister eder jaor weer dao
Steit dao tot drie keuninge
Hieël stil te kieke in’ne hook
En as dank daonao weer
Wèg gesmete wie’ne aoje dook

Is de baum dan groeët genògt
Nae dan blieftjer neet lang staon
Mèt ein zaeg of mèt ein bielke
Weurtj hum dan völ ien gedaon
Of mèt wortels en get aerd
Keumtjer dan in eine pot
Waeke stiter dai te kieke
Det is dan dae baum zien lot

Refrein

Mèt de Kerst kòn’se’m neet misse
Mòtter inne kamer staon
En dan weurtj hum auch van alles
Òm zien sjoeën greun tek gedaon
Lempkes hange dan te sjiêne
Jao dan is dae baum zoeë sjiek
bel van zilver en get slinger
En in’t tupke eine piek

Refrein

Nao de Kerst istj aafgelaupe
Zuut m’n ’t buimke neet mieër staon
Nao drie keuninge dan weurtjer
Weer de kamer oetgedaon
Sòmmige hebbe gelök
En kome fijn in eine hoof
Mer de meiste wèg gegoeëtj
Of opgestooktj , det is te groof

't Tròmmelmenke

op de melodie van 'Little drummerboy' van John McArthy



Herders vertèldje mich …..parapapapom
Det Jezus is gebore………….rapapapom
Laot geine tiêd verlore
En bring kedoos nao’t keentj
Det is as ein bevel
Dus mòt ich gaon

Pas gebore keentj
Ich bìn hieël gaer gekome
Mer heb niks mèt genome
Oh hieër vergaef ’t mich
Daoròm will ich noê baeje
Op mien tròm

Ingelkes zeen auch dao 
Zinge van oet de stal
Det vrede kome zal
Ich tròmmel dus veur Hum
Noê lachtj hae tege mich
Mich en mien tròm

Ich gaef mien tròm kedo
Dao kann Hae dan op speule
Zal ich mich baeter veule
Ich baej noê sònger tròm
Ich krieg waal ins eine kieër
Ein anger tròm
Ein hieël noew tròm

Op Dinj Vant Joar



Eder jaor dan keumtj dae tiêd weer trök
Dan hingtjer inne locht get van gelök
De kerstbaum weurtj gezatj en auch de baum
En Zalig Kerstfieëst huuërse euveral
Mer zalig isj nog neet veur ederein
Gelök det hebbe hieël vol minse gein
Veur vol is leit en hònger hieël gewoeën
Is Kersmis, dan nog waal zoeë sjoeën

En pap dae zitj weer hieël’maol sònger loeën
Det is vandaag de daag toch hieël gewoeën
De baas heet hum ’t werk opgezagtj
Dao waas pap hieëlemaiol neet op bedachtj
Ze zitte noê al waeke op zwart zaot
En mam die kriegtj ‘t aaf en toe te kwaot
Wat mòsse mèt viêf jong en sònger loeën
Is Kersmis, dan nog waal zoeë sjoeën

Refrein
	As op ’t inj van ’t jaor de snieë alles kleurtj
	En de waereldj nao dennebuim geurtj
	Dinktj men neet aan hònger of leit
	Of aan wietj den angere geit
	Wae zitte thoês en wae aete mer raak
	Want det is de gewoeënste zaak
’t raaktj òs neet water gaondje is
Det is Kersemis………….

hieël de waereldj zitj vôl mèt geweldj
’t einige det tèltj is macht en geldj
De tenks en auch de bòmme staon al klaor
’t weurtj toch almer slechter eder jaor
Rakette staon gerichtj en opgestèltj
’t liêktj waal of oos daag al zeen getèldj
Wie mòt det mèt dae waereldj wiejer gaon
Wie lang zal Kersmis nog bestaon

Refrein
	As op ’t inj van ’t jaor de snieë alles kleurtj
	En de waereldj nao dennebuim geurtj
	Dinktj men neet aan hònger of leit
	Of aan wietj den angere geit
	Wae zitte thoês en wae aete mer raak
	Want det is de gewoeënste zaak
’t raaktj òs neet water gaondje is
Det is Kersemis...

Nagtmès

op de melodie van 'Leise rieselt der Schnee' van E. Ebel



-----intro-------
Loester de Kirk-klok treumptj
Kiek nao ’t vollik det keumptj
Nachtmès det is ’t begîn
Woeë ederein biê wiltj zeen

--------tössespel-------

Loester nao d’orgel det kleenktj
Huuër wie ’t kirrik-koeër zingtj
Leedjes die ieëwe bestaon
En die noeët zulle vergaon

-------tössespel---------

Deze nacht is neet gewoeën
’t Is zoeë hieël anges zoeë sjoeën
Kerstnacht det raaktj ederein
’t Kintje bringtj minse bie-ein
            Kerstnacht det raaktj ederein
            ’t Kintje bringtj minse bie-ein
(vertraoge)   ’t Kintje bringtj minse bie-ein

Toen God In Bethlehem

op de melodie van 'Toen god in Bethlehem als Kind geboren lag'



Toen God in Bethlehem
As keentj gebore waas
’t waas nacht mer ’t leek hieël wònjerlik
Waal midde oppe daag
Want alle sterre sjene van verre
Rigdje heur straole toen oppe stal
En ein die ’t helderste sjeen
Reep de keuninge oeët d’oeëste
Òm d’r hieël snel biê te zeen

Tössespel

De herders in ’t veldj
De hele stil de wacht
Toen kloonk oppins ein leedje
Van ingele door de nacht
Vrede veur ederein
Vrede veur groeët en klein
Hae is gebore veur òs allemaol
Gaotj same nao de stal
En bringtj ieër aan deze keuning
Dae de redding bringe zal

’t waas in ’t ope veldj
’t vroor de snieë dae veel
Dao waas allein ein bitje hoeëj
Det ’t kientje werm heel
Wiêze oet d’oeëste
Kwome Hum troeëste
Brachte get wierouk en mirre mèt
Maria waas zoeë blie
En Sint Jozef zaat hieël stillekes
Te baeje op ei knie

De Sjòmmelstool

op de melodie van 'Rockin' alone' van B. Miller



Oma zitj aan’t vinster 
en kiêktj oppe straot
Ze kân neet zoeë good mieër 
veur heur isj ye kaod
Dinktj weer aan vreuger 
lieëtj zich effe gaon
Sjòmmeltj in heur steulke 
en huultj stil ein traon

zitj op heur kamer
is altiêd allein
femilie is wiêt wèg
bezeuk kriegtj ze gein
ze mòt zich behelpe
waetj dèk geine raod
sjòmmeltj in heur steulke
en heet ’t dèk kwaot

noê is’t kerstmis
de snieë dwarreltj nieër
zitj stil te baeje 
veur Oze Leven Hieër
en ze heet zelf 
ein kripke gemaaktj
vanoet heur steulke
euver ’t kientje gwaaktj

geluid oppe gank 
det veur heur deurke stopj
effe issut stil
en dan weurtjer gekloptj
zeet zaogt ; kòm binne
en dan hieël oppins
staon dao heur kin jer
mèt eine kerstwins

dit is echt kersmis
heur kinjer zeen dao
ze zweitj asse wèg gaon
heur nog hieël lang nao
ze kòste neet blieve
ze mòste weer gaon
sjòmmeltj heur steulke
en huultj stil ein traon

Assut Snietj

op de melodie van 'Jingle bells'



Renne door de snieë, 
mèt de stevele aan
En astj effe geit, 
sleure oppe baan
Heb’se slechte sjoon, 
of aoj kisjes aan
Moog’se dao neet sleure 
mer opslaag wèg van die baan

Refrein;
As’t snietj, as’t snietj, 
heb ich gojen aard
Sleur ich gaon sjaatse, 
mèt ein flinke vaart
As’t snietj, as’t snietj, det heb ich zoeë gaer
Möts op en de haose aan, 
nao ein vinke haer

Snieë dae liktjer zat, 
veur eine snieëman
Mèt eine aoje hood, 
unne besem as’t kan
Kole veur de moondj, 
ein moeër veur de naas
As ich det zoeë zeen
woeëj ich detj altiêd wintjer waas

Refrein

Haal dien sjaatse oet, 
want ’t iês det dreugtj
Ederein duit mèt, 
neet allein de jeugd
Hiê en dao geitj mis, 
kiektjer eine niês
Hae geit òngeroet 
en vaeltj ein flinke ster in’t iês

Refrein

Verloate Stroate

op de melodie van 'Alegria'



't Is doonkel, alle stroate 
Liêke hieëlemoal verloate
Alle minse blieve binne
Want 't kerstfieëst geit beginne

En mèt kerstmis dan zitte ze same
Hieël  gezellig bie-ein roondj de baum
Ze zeen lekker aan 't aete
Zeen heur zùrg aan't vergaete
En de leedje van jezus in't kribke
En van vrede veur edere mis
Klinke door tot oppe stroate
Zeen die echt waal zoeë verloate?

't Is doonkel, 't het gevrore
Eine mins luiptj hieël verlore
Ziene kraag hoeëg opgestoke
Vanne koaj ineingedoke

En bie edere raam kiektjer binne
En dan zuter ein kamer vôl leecht
En de minse zeen aan't aete
Zeen heur zùrg aan't vergaete
Mer hae zelf kan nùrges binne
Want veur hum ister nùrges ein thoês

Dus hae luiptj get door de stroate
Die zeen allemoal verloate

Stille Nacht

op de melodie van 'Stelle nacht, heilige nacht' van Gruber/Mohr



Stille nacht, heilige nacht
Alles stil, deze nacht
Snieë-vlokke dwarrele stillekes nieër
Alles wachtj oppe komst vanne Hieër
Zaogtj loetj ein klökske hieël wiêt
Teiken van Kersmis tiêd

Stille nacht, heilige nacht
Zoon van God, lang verwachtj
In ein kripke ein kientje det lachtj
Heet veur ederein Vrede gebrachtj
Des woeë de waereldj op wachtj
Vredige heilige nacht

Stille nacht, heilige nacht
Alles stil, deze nacht
Allemaol veur ’t Goddelik keentj
Tis van alle minse de vreendj
Erm of riêk, groeët of klein
Vrede veur ederein...

Tungelderse wel



Tungelderse Wel soevenier van hieël vreuger
Inkel al 't woord is as beer oppe tòng
Tungelderse Wel doa bin ich vùl gekome
Woeë indertiêd 't Ambonezekamp nog stòng
Doezendj kieër gign ich dae berg doa op en aaf
En steds weer mèt dien moel inne zandj knòts paaf
En steeds zootse midde in dae mierehaup
En dan jeukdjese dich weer waeke 
En mam die zagt dan dien eige sjoût

Euveral in oos Limburgs lendje Van Mestreecht tot de Mokerhei
Heet eder stad en eder dùrpke Zien eige bosse en eige hei
Ein van de sjoeënste van al dees bosse  Det is zeker de Tungelder Wel
Mèt dien vrinj kòsse doa goan kuite
Waat ging zoeëne vrieje middig toen vrieët snel

Tungelderse Wel.....

Van de mam kreegse limmenaat mèt En de bot'ramme inne gezèt
Woeëtse den lekker get goan aete
Kieës mèt zandj det vèltj hieël neet mèt
Dan weer lekker wiejer kuite  Op dae berg doa inne zòn
Mosdje'se neeste dan haatse ein dikke kuûk mèt zandj
Waat stòng det toch stòm.

Tungelderse Wel.....

Waat in die Wel doa oeët gebeurdj is Det veultj gae zeker allemoal
Jòng en maegdjes die ginge doa speule  Det is knap nog ein hieël verhoal
Mer ein dink det is hieël zeker Rooj en Tungelder det waas dèk ein
Wievùl femilies doa zeen òntstange 
Det weit knap nemes mer toch waastj fijn

Tungeldersewel…………………

Klaagleed òm Zjuul



Refr;
Zoeë’ne duiles zoeë’ne wuiles zoeë’ne hampleman
Dae neet ploge dae neet ègge dae neet spaje kân
Zoeë’ne duiles zoeë’ne wuiles zoeë’ne hampleman
Dae neet mei-je dae neet zei-je dae neet laje kân

Veurig jaor haaj ic hein hieël sjoeën paerd
Ein hieël sjoeën paerd ’t waas göldjes waerd
Dae knecht dae heet det paerdje hieël misbroektj
’t heet âl zien puuëj verstoektj
Jao det paerd waas hieël bedorve
’t is van ieëlenj toen gestorve
Veurig jaor haaj ic hein hieël sjoeën paerd
Noê liktj ’t ònger d’aerd

Refrein

Dae knecht dae dieë zich altiêd hieël stoer veur
Hae dieë te deur , hae dieë te deur
Hae dieë net ofter altiêd alles dorst
Waat hieëlemaol neet kòst
Gister heet’um ein moês gebete
Toen heter in zien bòks gesjete
Wat mòsse toch mèt zoeë’ne hampleman
Dae dao neet tege kan

Refrein

Ich zagt de paerebaum dae mòt gesnoetj
mer wist al drek , ’t waas neet vertroetj
hae ging op paad mèt zaeg en frisse mood
en snoedje ’t buimke good
mer wie ich saoves ins ging lore
toen waas dae baum eine paol gewore
wat mòsse toch mèt zoeë’ne hampleman
dae neet ins snoeje kan

refrein

ich heb dae knecht mer vanne handj gedaon
’t waas gein bestaon, ’t waas geun bestaon
Ich gaaf hum zeve fieftie smartegeldj
En heb Venray gebeldj
Dao mòtter ziene tiêd versliête
Mèt steinkes oete kese biête
‘ch heb tochnog get kompassie mèt dae knecht
Mer echt hae waas te slecht

refrein

Anti roeëdmoos-song



Ich löst knap van alles mer ich löst gein roeëdmoos
Gaef mich mer ein stök keboêt mèt eunjesaus
Eine hieëring mèt sòkker of ein stök moeevlaaj
Ich woeëj det ich edere daag zoeën stökske haaj
Gaef mich 'ne hanebout of ein hinnekoontj
Mer in godsnaam gein roeëdmoos, des neet gezoondj

Moder kiek ich vònj oppe zolder
Eine sjoeëne stroonk roemoos
Is dae nog van veur de oorlog 
Stòng dae toen neet ope groos
Jòng doa bin ich vreiselik blie mèt
'ch Waas dae stroonk al joare kwiêt
'ch Zal hum dich ins gauw goan koke
doavan kriese geine spiêt

Ich preufdje mèt lang teinj van 't moos eine hap
Ich woord toen van bove deûl en van ònger slap
Ich zakdje wie 'ne kook door mien twieë bein
En sinds dae tiêd zing ich steeds dit refrein

Ich löst knap.....

'ch Heb ouch nog ein poeës ein meid gatj
Mer det waas hieël niks gedoan
Ich zal uch hiê ins gauw vertèlle
Wòrròm ich die heb loate stoan
't Waas ein waeske veur de broeleft
Wae loge same oppe groos
En opins zagt Mientje: Sjarel
Soaves oppe broeleft aete wae roeëdmoos

Ich löst knap.....

Baer den achteropsjùt



Fiertig jaor waas Baer al lid  van de dörper sjötterie
Hae haaj ei bitje last van spit mer leep nog veuraan inne’rie
Sjoot al jaore achterop en misse diee d’r noeet
Hae haaj allein mer inne kop , de keugel en ’t loeed


BAER  WAAS ALTIED DAO EN ASTER SJOOT DAN SJOTER RAAK
NEMES ANGES SJOOT MET DET GEMAAK
BAER DAE STONG ZOEE ZEKER WIE ‘NE PAOL ONGER DE BAUM
DEN AOJE LIMBURGER WINNE………DET WAAS ZIENE DRAUM


Vrieet waat waas’ t werm dae daag . de zon die staak hei-op
Geine sjöt dae nog get zaag, de parapluukes ginge op
De beste bleve euver en ze misdje geine kieer
Ze sjote tot  ‘t doonkel waas, toen zoge ze niks mieer

Refrein………………….

Zeve sjötterieje moste kavele om de ieer
Baer dae dacht; astj noe neet löktj dan löktj t os noeets mieer
Ze kwome bie de leste twiee , de viefdje man sjoot raak
En baer dae haaj  ‘t toen neet mieer, waas neet op zie gemaak

Refrein……………

De buks die woort gelaje ‘t woort stil onger de baum
Baer dae zat zich sjrap en dacht al weer aan ziene draum
Toen kraakdje eine sjeut en baer dae boog toen ziene kop
Want bove oppe raek dao stong ’t bölke d’r nog op

Baer dae waas gebroke en hae vlugdje inne tent
En dacht toen wat bin ich toch veur ‘ne vent
Oetgeraekendj ich sjeet mis waat heb ich toch gedaon
Mich teunktj det ich mer baeter bie ein kaart-klupke kan gaon

Wae zoje ins wille wete



Wae zoje ins wille wete
Woeëròm liktj de plies oppe loor
Mesjien kan dae mins d’r neet naeve
Òm de wètte presies nao te lave
Of mesjien maaktj men auch waal 
van bove zien laeve zoor
daoròm liktj de plies oppe loor

en zoeë lang de plies besteit
zal d’r waal neet völ moge
want de wèt die meintj te dèk
det hiê de dinger neet doge
altiêd altiêd isj weer te lank of te breit
altiêd altiêd ’t is mich potdomme ei leid

wae zoje ins wille wete
woeëròm zeen kantoneers dèk zoeë traog
mesjien det de sjoefel kepot is
of mesjien det de zeîs völ te bot is
of mesjien isj auch waal
hieël simpel ein ambtenaars plaog
daoròm zeen kantoneers dèk zoeë traog

en zoeë lang d’r ambtenaars zeen
zal det probleem d’r blieve
want ’t doortj dèk vreiselik lang
ieër ze vergunninge sjrieve
altiêd altiêd isj weer neet klaor of te drök
altiêd altiêd zègge ze kòm mer ins trök

wae zoje ins wille wete
woeëròm zeen völ bore ’t meug
mesjien geit ’t slecht mèt de hinne
en aan kuuj wiltj gein mins mieër beginne
en mesjien vaeltjer niks te verdene
aan verrekes of zeug
daoròm zeen völ bore ’t meug

en zoeë lang de boor besteit
zal d’r waal blieve klage
want as det zoeë wiejer geit
mòtter zien vieë wèg jage
altiêd altiêd isj weer te lank of te breit
altiêd altiêd ’t is mich potdomme ein leid

't Dùrp



Thoês heb ich nog ein hieël oaj kaart die heb ich altiêd good bewaardj
't Is ein foto van oad Rooj
Doa kònse zeen wietj vreuger waas mèt hieël völ groondj en nog völ graas 
en ederein haaj erremooj
De weeg die wore toen bar slecht en geine eine dae waas recht
Of zaat vôl koele en vôl gater
Eine mèsthoup zoogse euveral en twieë drie koekes oppe stal
En oete pöt haaldje men water

En in de mooshoof van mien vader
Doa stòng roeëdmoos en poôr en slaaj
Ich waas nog joonk, ich kost neet wete
Det ich zoeëget later neet mieër haaj

't Paerdje trocht ein depe voôr doa-achter sjoudje Kuulkes Door
De mieëwe pikdje noa de pirke
Eine reek mèt aafgeslete teinj en 't gezwael dik oppe heinj
Wat moste ze toen vrieët haard wirke
Mer weem weurdj op vandaag nog boôr, weem hètj alwiel nog Pier of Door
Weem heet nog kuuj weem heet nog hinne
Det zeen d'r nog ein stök of veer, Frits vanne Port , Levere Neer
Doa wiltj gein mins mieër aan beginne

En in............

't Huuske van Helmonders Graad en in 't dörp 't patronaat
Ze zeen d'r noê al lang neet mieër
De boorderie van berbe Zjeng is al ein poeës noa de rengteng
En ouch det dink van Väöskes Pier
En 't bedriêf van Teune smeêd det liktj al joare op zien reêt
Doa woeëne noê modern minse
Mèt achter 't hoês nog get gezòn, doa ligge ze somers inne zòn
En hebbe sjienbaar niks te winse

En in 't heufke bie mien eige
Steit gein roeëdmoos of poôr of slaaj
Doa steit noê hei mer ich zooj waal wille
Det ich eine groeëte mooshoof haaj

Ode aan Ties de Wever



Oh Tieske, vôl mèt Rojer blood
Altiêd mer gaondje, altiêd goje mood
Tieske Tieske Tieske
Sjaele zeiver verkuiptj dae Ties vôl op
En zien verhaole, die rake neet gouw op

Nondedjuu wat kan dae Ties vertèlle
En lege kan d’r auch
Mer ich wil neet stèlle
Det Ties daoròm neet daug
Want zoeë van die men wie Ties de Wever
Die rake stillaan op
Zoeë sjoeën wie Ties de Wever
Heet nemes eine kop

Hoeoeoeoeoe……

Oh Tieske , mien jungelke
Vôl mèt sjaele zeiver
vôl mèt bieje blood
mèt diene snor Ties 
en dien piêpke inne moondj
zoeë zeen wae dich gaer Ties
blief mer lang gezoondj
	
Nondedjuu wat kan dae Ties vertèlle
En lege kan d’r auch
Mer ich wil neet stèlle
Det Ties daoròm neet daug
Want zoeë van die men wie Ties de Wever
Die rake stillaan op
Zoeë sjoeën wie Ties de Wever
Heet nemes eine kop

Vriejers leid



Kòmtj aojers paktj uch same en loestertj hie ins nao
Wat wae uch gaon verklaore steit uch allemaol nao
Die jeugd van uch haotj die ins bie, 
zeen die neet allemaol völ te vriê
noê lètj dao toch ins op
det lektj zich, bitj zich, kusj nog’ne kieër
en wae staon dao lachendj biê,  hahahahahahahaha

gaotj saoterdes mens kiêke aan ’t gemeinsjapshoês
gae kòntjer uch verriêke mèt vrie-stòf veur aan’t thoês
dae steit eur Jan, eur Piêr , eur Baer
ze hebben’t allemaol aeve gaer
noê lètj dao toch ins op 
det lektj zich bitj zich kusj nog ‘ne kieër
en wae staon dao lachendj biê, hahahahahahahaha

waat mòt dao toch van kome as det zoeë wiejer geit
die jeugd die maaktj dan foute en gae zitj mèt ’t leid
dan mòt eur jasn, eur Piêr, eur Baer
mèt ’t maegdje nao ’t altaor haer
mèt lekke, biête , kusse en mieër
kloeëtj de jeugd uch toch ‘ne kieër, hahahahahahahaha

noê zòltj gae uch waal vraoge wat gae dao aan kòntj doon
wae zòlle uch vertèlle wietj mòt mèt eure zoon
stuertj gae eur Jan, eur Piêr, eur Baer
as den duvel nao ’t kloeëster haer
wèg is dan ’t vriejersleid
want lekke, biête kusse en mieër
kan as pater toch neet mieër, ……..amen

Keffeke van Sjroete



Oppe djoebòksdao huuër’se ’t Radi Ensemble
De voetbalclub hingtj aan de moor
En Joep dae sjrieëwtj haarder dan de djoebòks
Sjra van Keunke dae speultj troeve boor
Aan’t voetbalspel zeen die van Sjake aan’t voetballe
Tege twieë van Pietjes Zjaak
En de glaze gespeuldj in hieël keul helder water
Jao ’t is dae ein hieël fijn aoj zaak

Refrein;
Dao in det klein aod kefeeke van Sjroête
Heb ich gezaete tot dèk saoves laat
Dao in det klein aod kefeeke van Sjroête
Heb ich gepumpeldj en dèk waas ich zaat

Piejaerke van Éggele dae zitj dao te zûmpe
Brevendia kreeg weer ins klap
En Zjaakske van Lenders zitj naeve hum
Want ze zeen noê same op stap
Ein noew lajing sjötte keumtj binne
Ze hebbe ’t hum weer ins gelaptj
Mèt sjete wore zuu weer ’t bèste
Noê weurtjer alweer hei op getaptj

Refrein

En Joep blieftj vertèlle euver hunj en kalkoene
En auch euver ein lekker meid
Eine groep veterane dae zitj nog te kaarte
En geinde dae heivers geit
’t is noê ein oor en Joep mòt gaon sloête
’t waas eine vrieët lange daag
De meiste gaon heivers nao vrouw of heuraojers
En sòmmige ein stök inne kraag

Refrein  2x

't Groeëte niêsers leed



Wan de mins ei bitje laat is………  …niesj dao neet om
Wan eur pap ei bitje zaat is……… …niesj dao neet om
Wan de mins get laat en zaat is……..niesj dao neet om
Ich wil neet dedjer dao dan om niêsjt

Refrein
Maak van ‘ne sjeet geine donderslaag donderslaag donderslaag
Gae kontj   -  neet  -  stil blieve staon
Al det niese det is niks gedaon

Wan de hoondj uch inne bein bitj………niesj dao neet om
Wan de kat flink op’t tapijt sjitj………….niesj dao neet om
Wan de kat sjitj en de hoondj bitj………niesj dao neet om
Ich wil neet dedjer dao dan om niesj

Refrein…………….

Wan de zoon uch d’oeere vanne kop itj……niesj dao neet om
Wan eur dochter ’t series briktj……………..niesj dao neet om
Wan ein bie uch inne lup stiktj………………niesj dao neet om
Ich wil neet dedjer dao dan om niesj

Refrein…………

Wan eur raekening get groeet is………..niesj dao neet om
Wan ei vroumes get te bloeet is………...niesj dao neet om
Wan eur vètste verreke doeed is……….niesj dao neet om
Ich wil neet dedjer dao dan om niesj

Refrein……………………..

Wan ’t beer hie get te zoor is……………niesj dao neet om
Wan de raekel eine moor is…………….niesj dao neet
Wan eure asperzjes poor is…………….niesj dao neet om
Ich wil neet dedjer dao dan om niesj

Refrein…………..
Maak van eine sjeet geine donderslaag donderslaag donderslaag
Donderslaag donderslaag donderslaag don-der-slaag

Applemoos

op de melodie van 'All shoop up' van Blackwell/Presley



Hieël lang geleje , wie ich baby waas
Sjoof òs mam mich alles ònger de naas
En waas ’t dan neet lekker nondepie
Kreeg ich dao-biê –-- aplemoos
Hoe hoe hoe hoe hoe – jao jao , jao

Zoeë kòst ich oppe door neet sònger mieër
Bie alles waat ich aat , ’t waas te zieër
ut woort te gek auch zelfs inne sop
’t heel neet op……..aplemoos
Hoe hoe hoe, hoe hoe  -  jao jao , jao

	Sònger apllemoos det is veur mich ‘ne ramp
	‘t is zoeë vreislik lekker bie de moeërestamp
	neet te misse bie ‘ne bief mèt friet
	geluif mer det ich dao van geniet

Wie det ich miên ieërste muulke kreeg
Ich zweer dich echt - det ich dit neet leeg
De smaak dao-van stumdje mich zoeë blie
’t smaakdje wie…….aplemoos
Hoe hoe hoe , hoe hoe --  jao jao , jao

	Bie get lekkers dink ich noê altiêd
	Efkes trök aan miêne kinjer tiêd
	Bie get det good is of wat lekker smaaktj
	Of hiê en dao mien geveules raaktj

Noê huuër ich hiê dae sjoeëne muziek
Op dit ceedeeke och waat is det sjiek
En waat de Mooshoof hiê as titel koos
Tis toch neet waor…….applemoos

Hoehoehoe    hoehoe  jao jao…dit is applemoos                                                 
Hoehoehoe    hoehoe  jao jao …applemoos   

Oos eige sträötje



Wae stoan hiê in oos eige sträötje
En bie oos eige stroatnaambord
Hiê zeidje wae oos ieërste zäödje
En det kwaam nùrges aan  tekort
Wae koste dalik al goan hove
Want vruchtbaar waas de aerd
Joa ’t gruudje hiê wie hop 
eedre ougst waas eine top
’t Waas vrieët de mote waerd

Doa gruudje hieël get lekker leedjes
En allemoal in plechtig plat
Die poodje wae dan op Ceedeetjes
Veur eed’re smaak waaster waal wat
Oze hoôf bleef ònbespote
des wat os zoeë good bevèltj
Want dan kriese kwaliteit, 
niks wat doa nog bove geit
Puur nateur det is wat tèltj

En noê noa mieër as dertig jäörkes
Zeen wae d´r steeds nog neet met kloar
De zuust ´t waal get ane häörkes
Mer bitje griês is gein bezwoar
Det wae gruuëts zeen moogtj gae wete
Want dit is hieël apaart
Midden in´t tùrp oze naam, 
des geweldjigge reklaam
Wae stoan veur altiêd oppe kaârt

Midden in ’t tùrp oze naam, 
des geweldjigge reklaam
Wae staon veur altiêd oppe kaart
De “Mooshoofpaad” steit oppe kaart

Des al lang neet mieër

op de melodie van 'Net als gisteren' van Benny Jolink



Veur 50 cent eine dikke pot beer
Ein stok gezet as WC pepeer
De Köster dae vörs eis verkocht”
Nog euveral blauw en zuver locht
Ein dikke sjoonk ane ope sjouw……
dien laeve lank mèt dezelfdje vrouw
Tada tada……..sjeunkske ane sjouw
Tada tada……..mèt de zelfdje vrouw

De hieële zomer sònger jas
Ein laeve sònger pin of pas
Ein good vèt verreke thoês geslachtj
Ein dik stök nao pestoeër gebrachtj
Tandarts Huij mèt zien groeëte tang……
de mik nog roondj gebrachtj door Mang
Tada tada……Huij mèt zien groeëte tang
Tada tada……de bekkersker van Mang

Op zaoterdig gewoeën nao ’t werk
Zundapp waas ’t bròmmer merk
Veer tòn veur ein simpel hoes
Geklik mèt de kompjoetermoês	
De tilleviezie zwart en wit…
nog noeëts gehuuërdj van fuck en sjit
Tada tada…..tilleviezie zwart en wit
Tada tada…..drugs en fuck en sjit

Achter de tapkraan Zjeng van Loon
Mèt Paose weer ein noew paar sjoon
‘t winkelke van Nele Wies
Nog geine sex oppe tillevies
Botermelk mèt mikke brök……
geine stress en neet zoeë drök
Tada tada……..botermelk mèt brok
Tada tada……..geine stress neet drök

Ties de Wever mèt zien piêp……
gein riool mer ope ziêp
Gein CD mer langspeulplaat…
muziek via de Mooshoofpaad

Tada tada……via de mooshoofpaad
Tada tada……via de mooshoofpaad
via de Mooshoofpaad…….via de mooshoofpaad

Geploeter mèt de computer

op de melodie van 'All my loving' van the Beatles



Vrieët zèk waat ein geploeter mèt miene kompjoeter
Knap edere daag geit get mis
'ch Zit mich dèk te verbiête, mich vrieët op te riête
Joa tis ein en al ergernis 

Tink det wiltj zich neet veuge, te weinig geheuge
Mien sjiêf zitj tot ane nek vôl
Spelkes wille neet loupe, mòt steeds noe goan koupe
Nae 'ch heb tink echt neet veur de lôl
							
	Almer dèkker luipt det dink mich vast
	Almer dèkker kriegtj hae mich oppe kast

Tössezang ;  papadapapdappa………..

Ich krieg dèk ein blauw sjerm, dan ister te werm
Dan wiltjer neet trök mieër of vroet
Mòt ich weer âl deliete, bèn neet te geniete
Goeëj hum straks door mien windows d'r oet!
							
	Almer dèkker luipt det dink mich vast
	Almer dèkker kriegtj hae mich oppe kast
	Almer dèkker duiter't neet mèt veug
	Almer dèkker wat waer ich det toch meug!...hoeoeoe

Wan 't laeve effe lachtj

op de melodie van 'Hard times come again no more' van Stephen Foster



In ‘t leave gei’t dich neet altiêd veur de windj
Aaf en toe is der waal ins get verdreet
Mer dao kome weer tieje det ‘t goje euverwintj
As ’t gelök ziêne weeg gevònje heet 

	Refrein:
	Sôms dan zeen d’r die momente
	Det gelök weer -  effe noa dich lachtj
	En geniet doavan auch zoeëlang as’t mer kan
	Wan ’t laeve  ins effe noa dich lachtj

2.
As dien hert ins pien duit door hieël völ tegeslaag
En bèsse doa door vanne wiês gebrachtj
Blief veural dan vertroewe en dink aan baeter daag
Want die kome dèk sneller dan verwachtj

	Refrein

3.
En vergaet neet òm aaf en toe ein stepke trök te doon
Effe weg van de dagelikse drök
Mèt femilie of vrinj gezellig same òngerein
en geniet dan van vrinjdsjap en gelök

	Refrein

Dora

op de melodie van 'Secondary Walz' van Mark Knopfler



Wanjele same mèt Dora
In Oeësteriêk des mien waer
Geniete van fauna en flora
Det doon ich vreiselik gaer
Det doon ich vreiselik gaer

Smörges petiêd oete vaere
Bêrgsjoôn aan rökzekske òm
Laot mich mer lekker gewaere
Mèt ’t sjoeëne wat ich tege kòm
Mèt ’t sjoeëne wat ich tege kom

	Wae zeen bekans bove wae zeen d’r bienao
	’t oetzicht det is grandioos
	Ein waterval hiê en ein berghutje dao
	Blome en kuuj oppe groôs
	Blome en kuuj oppe groôs

Tössespel……………..

Bie ein bêrrighut effe get aête
Sjrikkelik hoeëg inne snieë
Auch zal ich noeëts mieër vergaete
Van netele maakdje wae tieë
van netele maakdje wae tieë

Saoves dan wals ich mèt Dora
drei-je op trêkzak muziek
Wâlse allein mer mèt Dora
Dan bèn ich de keuning te riêk
Dan bèn ich de keuning te riek

	Ein twieë drie twieë twieë drie same mèt ein
	En wèdjer wat Dora toen zagt
	Wâlse mèt dich vinj ich herstikke fijn
	Daoròm wil ich mèt dich wâlse
	Wâlse tot deep inne nacht

	Ein twieë drie twieë twieë drie same mèt ein
	En wèdjer wat Dora toen zagt
	Wâlse mèt dich vinj ich herstikke fijn
	Daoròm wil ich mèt dich wâlse
	Wâlse tot deep inne nacht

In veûr en vlam

op de melodie van 'Ring of Fire' van M. Kilgare



1)
Dich  - dich huuërst bie mich
Ich bèn  - niks sònger dich
Wat heb- se toch gedoan
Loatj zoeë –mer wiejer goan

REFR;
Dich hebst mich al hieël völ sjoeëns gegaeve
De bèst veur mich , ’t zunke in mien laeve
dich zètst mien hert 
In veur en vlam,  in veur en vlam

REFR;
Dich hebst mich al hieël völ sjoeëns gegaeve
De bèst veur mich , ’t zunke in mien laeve
dich zètst mien hert 
In veur en vlam,  in veur en vlam

2)
Dich fleurst –  mien laeve op	
Dao kan   -  niks tege-op
Ich gaef – en krieg weer trök
Dien leef-dje en gelök

Dich hebst mich al hieël völ sjoeëns gegaeve
De bèst veur mich  ,  ’t zunke in mien laeve
dich zètst mien hert
In veur en vlam , in veur en vlam

Dich hebst mich al hieël völ sjoeëns gegaeve
De bèst veur mich  ,  ’t zunke in mien laeve
dich zètst mien hert
In veur en vlam , in veur en vlam

Jao dich zètst mien hert
In veur en vlam , in veur en vlam

't Brook

op de melodie van 'Das Leed vom Baum' van Greenaway/Brook



Òs klimaat liêktj alwiel zoeë hieël anges
ut geit echt neet zoeë good mèt oos aerd
neme weit waat d’r proont ane gang is
is de waereldj, òs nog ei bitje waerd

Alle bieëste , de Bosse en ’t water
En de locht zeen veur òs van belang
Nae wae kònne neet wachte tot later
Geit ’t fout ? die vraog maaktj òs dèk bang

REFREIN:
Zoeëlang ’t Brook nog greun is en bluutj
en eder sjeutje op keumtj en gruutj
Is nog alles good mèt oos aerd
Want dae waereldj is òs alles waerd
Mer as ’t Brook in’t veurjaor neet bluutj
As dan nörges gein sjeutje mieër gruutj
Isj te laat en is alles verknoeëtj
Is völ laeve veurgood wèggegoeëtj
Jao dan……zeen wae gekloeëtj

Wat vol tiêd nuuëdig heet òm te gruje
Weurtj dèk sònger perdon òmgehaktj
En wie lang kònne blome nog bluje
As ederein , mer plöktj en paktj

Lichlik hebbe wae’t neet good begrepe
Want òs locht zitj vôl dampe en knoeëj
Oze waereldj dae weurtj oet-genepe
En det is toch , neet waat me’ woeëj

REFREIN:
Zoeëlang ’t Brook nog greun is en bluutj
En  eder  sjeutje op keumtj en gruutj
Is nog alles good mèt oos aerd
Want dae waereldj is òs alles waerd
Mer as ’t Brook in’t veurjaor neet bluutj
As dan nörges gein sjeutje mieër gruutj
Isj te laat en is alles verknoeëtj
Is völ laeve veurgood wèggegoeëtj
	want as ’t Brook in’t veurjaor neet bluutj
	As dan nörges gein sjeutje mieër gruutj
	Isj te laat en is alles verknoeëtj
	Is völ laeve veurgood wèggegoeëtj
	Jao dan……zeen wae gekloeëtj

Doa keumptj de zòn

op de melodie van 'Here comes the sun' van the Beatles



Dao keumtj de zòn , doe d’n doe doe
Dao keumtj de zòn , ich zèk dich ,  det veultj good

1)
Ooh mien leefste, de wintjer waas hieël kaod en einzaam
Ooh mien leefste, ut doordje lang veur ze weer sjeen
Dao keumtj de zòn , dao keumtj de zòn
ich zèk dich…..det duit good

( 2x tössestök)

2)
Ooh mien leefste ,‘ch zeen diene glimlach noê weer straole
Ooh mien leefste , auch det heet völ te lang gedoortj
Dao keumtj de zòn , dao keumtj de zòn
Ich zèk dich …..det veultj good 

*********zòn zòn zòn laot mer gaon   ( 4x)

3)
Ooh mien leefste , ut iês is langsem weer aant braeke
Ooh mien leefste , ut weurtj weer stillaan bitje leecht
Dao is de zòn , dao is de zòn
Ich zèk dich , ut keumtj good………….

Dao is de zòn
Dao is de zòn
Ut keumtj good
Ut keumtj good

Mörge begin ich d'r mèt

op de melodie van 'I will' van the Beatles



Ich mòt mich altiêd jage
Ich lèt noeëts oppe tiêd
‘ch huuër mien vrouw steeds dèkker klage
Ich bèn altiêd alles kwiêt

‘ch mòt mieër rechtop gaon laupe
Ich mòt aan sport gaon doon
Ich mot geine kwatsj verkaupe
Ich laup sòms naeve mien sjoon


	Dus heb ich mich noê veurgenome
	Det ich dao ins get mieër op lèt
	Dao mot mens snel ein inj aan kome
	Mörge begin ich d’r mèt


Ich mot mich baeter klei-je
Ich mot petiêd nao bèd
‘ch mot neet alles laote wei-je
Mòt mich baeter veurberei-je
Mòt de waorheid neet verdrei-je

Begin d’r mörge mèt………..mörge…………

C1000

op de melodie van 'Good luck charm' van Schroeder/Gold



Gae zultj hum auch waal kinne kort bie 't kirkplein
'ne Groeëte winkel lank en breid en doa kuiptj knap ederein

	Det is de einige echte de trots van Rooj,
	ahaha, oze C 1000
	't Is ein groeët gevâl, ze hebbe werklik âl
	Joa die zeen lang neet min, die zeen zoeë!!

Sòms asse inne rie steist en 't ister vreis'lik drök
Dan bliektj desse de moeëre neet gewoage hebst
en dan mòsse dus trök

	En det is neet zoeë geweldjig 
	det gaatj mich niks, ahaha bie de C1000
	‘t Is ein groeët gevâl ze hebbe werk'lik âl
	Mer hiê en doa loate ze noa, loate ze noa
	Aahaha  ahaha ahaha oh yeah, 
	hiê en doa loate ze noa, loate ze noa

De waar sjuuftj langs de skenner en alles wat ich koup
Liktj bitje wiejer hieël doorein – plat gedoetj op eine houp

	En det is neet zoeë geweldjig 
	det gaatj mich niks, ahaha bie de C1000
	Ich weit neet waat 't is, tis proont of ich get mis
	Doa's geine bandj mèt mich as klantj mèt mich as  klantj

De kinst doa ouch betale mèt geldj mèt pin of pas
Mer 't maegdje vreugtj mich eders kieër: ¬
maag ich ins kieke in eur tas
  	
En det is neet zoeë geweldjig 
det gaatj mich niks, ahaha bie de C1000
	Ze vroage eders kieër, ich doon 't echt neet mieër
	Toedeledoe mien tas blieftj toe, mien tas blieftj toe
	Ahaha, ahaha, ahahah  oh yeah, 
	Tottoedeloe   mien tas blieftj toe, die blieftj toe	

Mer naeve de C1000 haaj Krisje auch ein zaâk
De snapdjes neet wieder 't veerdig kreeg 
mer hae redje zich mèt gemaâk
 
	En det waas toch waal geweldjig, det waas kei good  ahaha van sirkel krisje
	Twaas mer ein klein geval en hae haaj lang neet al
	Mer hae haaj bandj, loupendje bandj mèt ziene klantj
	Ahaha, ahaha, ahaha, oh yeah
	Dae haaj nog bandj, 
	mèt ziene klantj, mèt keuning klantj

Kefee bie Toeën

op de melodie van 'Café biljart' van Toon Hermans



Ome  Harie waas wiêt  inne tachtjig
En ome Wiel waas bekans aeve aod
Ze  vònje  ’t  laeve  nog  prachtig
Mer ’t gejank van alwiel leet heur kaod

Ze wore gewintj aaf te spraeke
In ’t dorp in die sjoeën broen kefee
Dao troffe ze zich alle waeke
Veur ein spelke biljaar mèt z’n twieë

	Kefee bie Toeën , kefee bie Toeën
	Kefee mèt biljaar , kefee hieël gewoeën
	Gaaroet neet sjiek , ein bitje antiek
	En ederein kindje dao ederein

Ze droonke zich ieërst ein konjekske
En bestèldje ein dikke sigaar
Dan pakdje ze de keu oet ’t rèkske
En ’t slaagveldj waas dan de biljaar

Ze speuldje oftj ging òm heur laeve
Ze haje auch weinig gedeùldj
Mer dèk ging ’t vrieë wiét d’r naeve
En dan kreeg de keu steeds de sjeùldj

REFREIN………..

Ònger ’t sjerpe leecht vanne lampe
Dao zoogse heur reumpels nog mieër
Mer ze lete de sigaar lekker dampe
En ze lèdje oppe tiêd neet zoeëzieër

Nao twieë eurkes deindanger plaoge
Vònje ze’t allebei waal weer good
Ze ginge de raekening vraoge
En dan slufdje ze heivers , te voot

REFREIN…………

’t waas kaod ’t waas inj januari
En Wiel dae stòng al aan’t buffèt
Toen kwaam ’t bericht det Harie neet kwaam
Mer woeëròm det kreeg Wiel neet drek mèt

Mer oos Wiel det waas eine rare
Hae zagt ; dan heet wachte gein zin
Allein kan ‘ne mins neet biljare
Toen zatter zien klak op en ging

REFR; (2x)

Miêne opa

op de melodie van 'And I love her' van the Beatles



Zien foto hingtj bie òs ,  groeët ane moor
In simpel zwart en wit , ‘ne simple boor

Miene opa

Ich heb hum noeët gekindj , hae woort neet aod
Mer as ich hum dao zeen , krieg ich ’t kaod

Miene opa

	Dae groeëte snor  en zien gries haor
	Zien auge klaor mer vôl gedachte

Ziene markante kop , door tièd gesneje
Hae stiktj zien piepke op , hae sjientj tevreje

Miene opa

Zien foto hingtj bie òs , groeët ane moor
In simpel zwart en wit , ‘ne simple boor

Miene opa

Alles heet zien plaats

op de melodie van 'Ik wil weer naar huis' van Schiffkowitz/Jandrista



Waat is ‘ne boef sònger zien buit
En eine sjeids sònger zien fluit
Waat is ‘ne stoker sònger tandj
Proont wie de brandjwaer sònger brandj

Waat is ‘ne klùppel sònger tròm
Of eine goudvès sònger kòm
En eine nate sònger draum
Is wie de sjùtte sònger baum

REFREIN
Alles heet zien plaats…
assut nog neet gemerktj haats
Bie alles huuërtj toch altiêd get
Is’t neet dit dan is’t det
whalalalalalalaaaaaaa	


waat blieftjer euver sònger spel
waat is noê Tungeler sònger wel
waa’s Hoebe Dree sònger de bandj
waat is ei gaat sònger de randj

en eine ruiter sònger paerd
is wie ‘ne vèsser sònger gaerd
en eine moeër sònger de staum
is wie de sjùtte sònger baum

REFREIN
Alles heet zien plaats…


Waat is de ping sònger de pong
Ein bel die ding duit sònger dong
Waat is ‘ne vètkoef sònger zjel
Zoeë get wie snoter sònger bel

Waat is ‘ne melker sònger doêf
Waat is ei meurke sònger sjroêf
En eine stekker sònger straum
Is wie de sjùtte sònger baum

REFREIN
Alles heet zien plaats , 

Alles heet zien plaats, 
as’t nog neet gemerktj haats
bie alles huuërtj toch altiêd get
is’t neet dit dan is’t det
is’t neet dit dan is’t det
is’t neet dit……………….dan is’t det

Zoeë wie ich bin

op de melodie van 'Nemm mich su wie ich ben' van Hörner



Refr;
Neem mich zoeë wie ich bên
Doeëd gewoeën wie ich bên
Ich weit det ich auch mien foute heb
Mer neem mich zoeë wie ich bèn

1)
Ich heb eine hekel aan poetse van sjoon
Det vinj ich neet altiêd vandoon
Mèt fieëste dan bèst dich auch meistal de bob
En ich ruum neet alles drek op…..


Refr;
Neem mich zoeë wie ich bên
Doeëd gewoeën wie ich bên
Ich weit det ich auch mien foute heb
Mer neem mich zoeë wie ich bèn

2)
Mesjien det ich auch waal ins knoter of klaag
òmdet get neet kan of neet maag
En wasse of striêke det handj mich neet good
Mer dich haelst toch altiêd weer mood

Refr;
Neem mich zoeë wie ich bên
Doeëd gewoeën wie ich bên
Ich weit det ich auch mien foute heb
Mer neem mich zoeë wie ich bèn

3)
Ut is gaeve en neme , det is van belang
Bèn dao veur auch noeët neet te bang
Dao is nog völ mieër , veur òs isj gewoeën
daoròm hebbe wae’t same zoeë sjoeën

Refr;
Neem mich zoeë wie ich bên
Doeëd gewoeën wie ich bên
Ich weit det ich auch mien foute heb
Mer neem mich zoeë wie ich bèn
    Refrein;  neem mich zoee………..

Mer neem mich zoeë wie ich bèn……

Loterie

op de melodie van 'Can't buy me love' van the Beatles



Ding dong geit hieêl dêk de bel, eine mins steit ane deur
Hae zeet; hallo….en hèltj mich dan zoeë’n reep met leutjes veur
En altiêd zèk ich, nou veuruit dan, doter mer ei stök of veer

De voetbal of de handjbal-klup , de buurt of de fomfaar
Ich krieg gein nae euver mien lup , koup d’r altiêd waal ein paar
Ich zèt ze altiêd op ‚t sjuifke , achter eine blomepot

	Mer ich heb nog noeëts…….ederein behalve ich
	Ich hebnog noeëts…..….noeëts heb ich ins priês

Lèst kwaam nog de doeveklup mèt leutjes ane deur
De hoofdpriês waas ein miel of viêf, dus ich ging d’r alweer veur
Ich kochter zeve veur ein tientje en staak ze veilig inne tes

	Instr…………

	Ich haaj nog noeëts….....ederein behalve ich
	Ich haaj nog noeëts……..noeëts haaj ich ins priês

Gister waas de trèkking en mien vrouw laas haardop veur
Ich wist mien nummers oete kop en ich kreeg al snel ein kleur
Want tot en met ’t lèste nummer….allemaol haaj ich ze good

Ich rendje nao ’t sjuifke, keek achter de blomepot
Mer nörges zaag ich leutjes, dus ich sjròk mich taam’lik rot
Ich dacht; det zal toch neet gebeure, geit ’t mich weer langs mien naas

	Ich heb nog steeds neet…..ederein behalve ich
	Ich heb nog steeds neet…..nog steeds geine priês

Vieërtieën dag d’r nao toen reep mien vrouw; “kiek noê ins hiê ! 
Wat is det hiê veur eine froemel in miên wasmesjiên ?
Ich hoofdje al neet mieër te kieke, wist presies wie laat ’t waas

Ich heb auch noeëts , noeëts    
ich heb auch noeëts…..priês

Limburg miên Limburg

op de melodie van 'Kölle mi Kölle' van D. Glave



1)
vanaaf  det  hie  mien  weeg  kwaam  te  staon
ging auch miên hert al drek veur dich slaon
auch hieël mien jeugd waas ‘ne vrieët sjoeëne tiêd
eder  herinnering  wil  ich  noeëts  kwiêt
------------------------------  
refrein
limburg  mien  limburg , noê  en  altiêd
des ein geveul det raak ich noeëts mieër kwiêt
hiê stòng  mien  weegske , miên  aojers hoês
hie wil ich  blieve  want  hiê  huuër  ich  thoês
---------------------------------
2)
Sjötters  historie  van  ut  O.L.S.
Eder jaor weer ein vrieët groeët sukses
En  vastelaovendj zitj  òs  in  ut  blood
Mèt die sjoeën daag veule wae òs zoeë good
-----------------------------------  
Refrein
------------------------------------- 
3)
Wat geuftj òs auch ein limburg geveul
Eder  klein  beek , de  Maas  en  de  Geul
Landj van  ’t  zwarte  en  ’t  witte  goud
Is miên vaderlandj van bròns greun eikehout
----------------------------------------  
Refrein
Altiêd  veur  ieëwig  ,  blieftj  det  bestaon
‘ch haoj van mien Limburg, det zal noeëts vergaon

't Bölke mòt d'r aaf

op de melodie van 'Yellow Submarine' van the Beatles



as de wintjer is gedaon
zuu'se drek alweer , de sjeetbuim staon
sjötte kome veur den daag
òmdet 't sjete noê , dus weer maag
de keuning is , al voort bekintj
woeënao ’t echte werk , pas begintj
det sjete vreugtj , òm flink get loeëd
de kogelmaeker zeet ;  geine noeëd…….

refrein:
	niks òm gaeve , 't bölke mòtter aaf
	't bölke mòtter aaf , 't bölke mòtter aaf
	bliêve sjete , det bölke mòtter aaf
	det bölke mòtter aaf , det bölke mòtter aaf

op't sjöttersfieëst , weurtj vùl getròmtj
ònger de sjeetbuim weurtj , de rùk gekròmtj
de zòn die is , dèk ein probleem
ein parapluuke geuftj , de sjötte sjeem
de kinner weit , wie det 't geit
mer eine steit doa toch , waal erg breit
tis neet normaal , òm zoeë te staon
van spanning lieëtj hae d’r , soms eine gaon

refrein 

kiêke dan , tieën-doezendj man
sjutj dae sjöt d’r noê  , 't bölke van
’t hert det bònstj , hum inne kael
vanne ieëlenj kiektj , hae greun en gael
inne tent , istj haole klot
de pinte kome dao , dan lekker flot
as 't sjete is gedoan
zuu'se ederein , de tent in goan

refrein:
	loat mer goan , de bölkes zeen d'r aaf
	de bölkes zeen d'r aaf , de bölkes zeen d'r aaf
	noê flink fieëste , de bölkes zeen d'r aaf
	de bölkes zeen d'r aaf , de bölkes zeen d'r aaf
		
mark van stuf heet ein aerpelsjrapmesjiên

Laât heivers

op de melodie van 'I don\'t want to spoil the party' van the Beatles



1)
Ich koom heivers van ein fieëst ’t is al laat
Kiêwat mistig en ich zeuk ’t sleutelgaat
De bloompot inne hal , dae zeen ich neet ich val
Miên knie is blauw en mien noe bòks die is zeiknaat

2)
Hoop det ich mien vrouw neet wakker heb gemaaktj
Lèt good op de derdje traej die altiêd kraaktj
Zoeë sluip ich oppe trap , hieël stil en det is knap
‘ch veul det ich hum toch waal stevig heb geraaktj

Refrein
Maag ‘ne mins auch ins allein , fijn op stap gaon
Woeëròm mòt det eders kieër , weer flink fout gaon ??

3)
Knip de lamp neet aan , ich veul de deur de klink
De bòkse knaup dae wiltj neet los, lieëlik nùt dink
Dan val ich hallef òm , tege de klei-jerkast wat stom
Det waas ‘ne flinke slaag noe weurtj ut toch waal link

Refrein;
Maag ‘ne mins auch ins allein , fijn op stap gaon
Woeëròm mòt det eders kieër , weer flink fout gaon ??

4)
Wat-is dit sjaemel zèk dit nachtelik gekloeët
Mer ich veul ’t bèd  bèn bienao oete noeëd
Ich zucht waat bèn ich blie , nog mer ‘ne stap of drie
As ich de kleine tieën tege de bèd-poeët stoeët……

Refrein
Maag ‘ne mins auch ins allein , fijn op stap gaon
Woeëròm mot det eders kieër , weer flink fout gaon ??

Zèt de tiêd stil

op de melodie van 'Zet de tijd stil' van T. Mulder / A. Grooten



Ich dieë mien ouge toe , dich vroogst mich mèt te gaon
Op ein reis langs sterre en planete
Straks is’t weer zoeë wiêt , dan bèn ich weer allein
Mer ich zal deze nacht noeëts vergaete

	Haoj mich noê nog efkes vast, 
	laot mich zoeë neet gaon
	zèt de tiêd stil , laot ’t òs belaeve
	haoj mich noê nog efkes vast
	laot mich zoeë neet gaon
	ich wil bie dich zeen, al isj nog mer efkes

instrumentaal

ich haoj mien ouge toe en draum nog efkes door
ich bèn bie dich , mieër wil ich neet wete
straks is’t weer zoeë wiêt, gewoeën eine noewe daag
mer ich zal deze nacht noeëts vergaete

	Haoj mich noê nog efkes vast, 
	laot mich zoeë neet gaon
	zèt de tiêd stil , laot ’t òs belaeve
	haoj mich noê nog efkes vast
	laot mich zoeë neet gaon
	ich wil bie dich zeen, al isj nog mer efkes

instrumentaal ( hahhahhahhahha )

Haoj mich noê nog efkes vast, 
laot mich zoeë neet gaon
zèt de tiêd stil , laot ’t òs belaeve
haoj mich noê nog efkes vast
laot mich zoeë neet gaon
ich wil bie dich zeen, al isj nog mer efkes

Sjùtte sjreùm



Ei joonk sjutje sjoot veur de allerieerste kieer
Stong onger de baum en hae haaj ’t neet mieer
Toen kraakdje twiee sjeut hae veel knap oet zien sjoon
En toen ister mer snel ein zuver boks aan gaon doon

Refrei;
Jao de sjötte zuse laupe en masjere mète gewere
Zuse mikke en dan sjete paaf de vogel aaf
En de sjötte gaon dan pötte tot snachs om kwart veur drie
Laeve de sjötterie

Eine sjot dae normaal hieel good mikke kost
Dae riejerdje wie pudding wie d’r sjete most
Hae sjoot toen twiee doeve en ein vette fazant
Mer aan bölke waas weinig te zeen nommenandj

Jao de sjötte zuse laupe……………….

Eine sjot dae ich kin en dae ‚t drinke neet leet
Dae haaj gaer ein maegdje mer ‚t lukdje mer neet
En water auch diee hae kreeg gein vroumes met
En dus pakdje d’r snachs mer zien geweer met nao bed

Jao de sjotte zuse laupe en………………..

Eine aojere sjot dae sjoot neet mieer good
Sjoot alles d’r naeve hae verloor de mood
Toen kochter ein knon en hae mikdje zoee good
Detter de raek met de bölkes vanne sjeetbaum aaf sjoot

Jao de sjutte zuse laupe en………………….

Zoee kan ’t dus gaon bie de sjötterie
Mer asse motte sjete zeen ze van de pertie
Dan gaeve ze alles want ’t is ein hieel ieer
Den Oaje Limburger winne duise me reine kieer

Jao de sjutte zuse laupe……………….laeve de sjutterie….

Kwazel, kwatsj en flauwekul



Groeetmoel kukedeul , 
kwazel kwatsj en flauwekul
Sieme hingst en krintebol, 
proemevlaaj ein gooj moel vol
Kwizzenjaer, vekesgaat,  
smaondjes smiddes auch nog zaat
Hinne-beùn en halve haan, 
piep zagt ’t kuuke ich gaon d’r aan

		Tis allemaol sjoeene rojer kal
		Mer kuulke en buulke en muulke
		Huuer ich ’t leefst van
Al al al al……..waat eine zeiver
Opp kwauwel van dit soort 
dao most straof op staon
Dao most de pelies op lette

Lekker vroumes , snoterkuuk,  
stiekum vrieje inne struuk
Kaoverbrök , hei-jersjöt , 
wiet d’r naeve gein gelök
Boeene lendje , jannese plicht  ,  
zate kop , gein gezicht
Burgervader sakkerloeet , 
allemaol biestandj oete noeed

	Tis allemaol sjoeene rojer kal………..

Keesenaat , mooshoofpaad , 
spegel glaat  op zien gaat
Voddeveil en huve tied , 
deure olie dikke spiet
Eunje saus en plak kerboet , 
bòggesj kook mèt herste koet
Botermelk met mikkebrök , 
hot en haar en huppetrök

	Tis allemaol sjoeene rojer kal…..

Hinnekuuetje  sjaemel brok , 
robbedobbedop waat zeet miene bok
Efkes kloeete oppe din , 
wae houwe drek de pin d’r in
Krikkeberm, blinje derm, 
nondedjuu waat isj hie werm
Mins genaoje paaf allaaf  
en dao is de baart….met….aaaaaff