Op 16-12-2005, ein jaor naodet wae wore gestoptj mèt de Boontje Aovendje, ging eine groeëte droum van òs in vervölling. Oeëts eine kieër ein aovendj völlendj programma verzörge. In oos eige Rojer Theater, 't Gemeinsjapshoês "de Zaal" haje wae ein ruum twieë ore dorendje programma. Drie optraejes en dus twieë pauzes. Leedjes door de jaore haer, vanaaf 1974.Optraejes 1 en 3 van alles get en 't 2e optraeje de echte lekker iezie lisning. Allein mer röstige loester leedjes.
De belangstèlling waas euverweldigendj. In mum van tiêd waas de aovendj oetverkochtj.De ieërste belangstèllendje stònge al ruum veur ope gaon van Bookhanjel Benelux inne rie veur kaertjes.Mer waat noê te doon mèt allemaol die minse die gein kaertjes haje ? Nao snel euverlèg mèt de Stichting van 't gemeinsjapshoês, woort beslote òm nog eine twieëdje aovendj te doon. En auch dae waas weer binne erg
korte tiêd oetverkochtj.
't Wore twieë grandioos aovendje veur en mèt joonk en aod. Twieë aovendje mèt ruum 650  belangstèllendje per aovendj. 1300 totaal. Geweldjig. Eine aovendj veur òs òm noeëts mieër te vergaete. Tot op den daag van vandaag.
De foto's gaeve eine indrök van "de show".